› 選擇地區
三藩市
紐約
洛杉磯
其他美國地區
香港 台灣 北美
 
2018年01月07日

無綫離奇播倉底劇
志雲拆解 為整靚盤數

無綫去年播出蘇玉華十年前主演的倉底劇《蘭花刼》後,蘇玉華終於有新劇推出,她與黃浩然及陳凱琳等主演的《平安谷之詭谷傳說》將緊接《誇世代》播出。陳志雲日前為網台Opensky.tv主持《大開眼界》中的「電視雜誌」環節錄影時,便分析無綫播倉底劇原因是「想整靚盤數」。

有兩個原因

陳志雲在節目中說:「《蘭花刼》當年係冇播、抽起咗嘅,但好奇怪,唔知點解先前又會播,仲要係黃金時段,跟住之前嗰齣劇係好靚(4K拍攝的《不懂撒嬌的女人》),咁你又唔係高清,我就頴晒頭唔明點解。」
陳志雲估計可能有兩個原因,他說:「第一可能係憶苦思甜,你睇我哋投資咗幾多呢?有時劇好唔一定高清㗎!呢啲我噏㗎啫!第二個我諗可能係嘅原因,就係財政預算嗰方面,因為呢個劇應該係撇咗數㗎啦,write off咗,換句話講,你consumption用咗幾多錢呢?你播嗰啲係write off咗,咪唔使錢囉。」

蘇玉華約滿

早前有傳蘇玉華拍完《平安谷》後不再跟無綫續部頭約,但她前日否認說:「呢個世界咁細,走得去邊啫?呢個世界仲會合作,香港咁少平台!當然我同佢哋嘅約係完咗,咁之後再合作睇吓點處理囉。」此外,《溏心風暴3》播映以來收視麻麻,本周汪明荃將客串登場,而劇集昨日做宣傳,劇中做小三介入唐文龍與胡琳婚姻的陳敏之慘被糟質報復,被李司棋掌摑後,再被胡琳用蛋糕掟面。
採訪:魯吉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載