› 選擇地區
三藩市
紐約
洛杉磯
其他美國地區
香港 台灣 北美
 
2018年01月11日

《溏心3》終極劇透
王浩信打動岑麗香 夏雨昏迷不醒?

台慶劇《溏心風暴3》唔經唔覺喺下個禮拜播映結局篇,根據過往《溏心》系列嘅經驗,故事發展當然係大團圓結局,今次當然唔例外,好似為唐文龍搞到俾李司棋喪鬧兼叫去做雞嘅陳敏之,喺結局篇終於同黃智賢嘅感情發展有着落,敏之終於俾黃智賢感動而喺埋一齊。

點知有一日敏之見到到唐文龍,不過佢已經唔再係官仔骨骨嘅CEO,變咗做一個運輸老闆,佢同胡琳亦分開咗,同一個女人一齊,嗰陣敏之都好淡然去面對,睇嚟佢今次真係放低咗。

至於曾經俾米雪捧打鴛鴦嘅王浩信同岑麗香,本來王浩信喺上庭嗰陣,聲稱因為接受唔到香香要同陳智燊結婚,最後決定要離開香港,於是誤中咗黃宗澤嘅圈套,將公司嘅股權轉移喺黃宗澤嘅身上,香香聽完王浩信嘅剖白,佢都覺得好感動,但係係香香覺得自己嘅身世似乎襯唔上王浩信,而拒絕再一齊。

之不過王浩信依然好鍾意香香,最後喺米雪嘅鼓勵下,王浩信終於打動咗香香,甚至一直處於昏迷狀態嘅夏雨,亦因為李國麟喺耳邊講嘢而醒番。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載