› 選擇地區
三藩市
紐約
洛杉磯
其他美國地區
香港 台灣 北美
 
2018年02月01日

【馮仁昭四圍超】郭藹明陪夫家睇醫生
青雲抱阿媽落車

今年係劉青雲同老婆郭藹明(Amy)結婚20周年紀念,兩人係圈中出名嘅模範夫妻,數年前青雲獲香港金像獎影帝時,發表太空船宣言冧老婆,有福同享互相扶持,日前下午約2時許,青雲夫婦現身中環置地廣場,仲以為兩人拍拖濕平,原來係陪青雲父母去睇醫生,認真孝順。
當時司機駕駛七人車去到置地廣場門口,青雲同老婆率先落車好照顧老人家,之後見青雲扶着劉爸爸落車,年邁嘅劉爸爸撐着枴杖自行步上行人路,之後輪到劉媽媽準備落車時,青雲更細心地用手擋喺媽咪頭頂,以免媽咪唔小心撞到車頂,其後更索性抱媽咪落地,而同行嘅外傭同Amy就上前扶着劉媽媽,一行人齊齊前往中建大廈睇專科。

相關新聞:劉青雲開聯名公司「小飛船」送三千萬dream house畀郭藹明

助父扣安全帶

大約個多小時之後,青雲一家人睇完醫生落樓,雖然兩老已經80多歲,但精神睇嚟都算唔錯,外表纖瘦嘅劉媽媽離開時雖然唔使人扶,不過外傭都一直喺旁邊照顧。當司機折返接載時,青雲先扶父母上車安頓之餘,仲幫爸爸扣實安全帶,自己先至放心上車離去。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載