› 選擇地區
三藩市
紐約
洛杉磯
其他美國地區
香港 台灣 北美
 
2018年02月01日

劉青雲開聯名公司「小飛船」
送三千萬dream house畀郭藹明

劉青雲同郭藹明呢對恩愛夫妻,直頭可以用模範去形容啊,講到佢哋兩個嘅恩愛事,大家一定會記起喺2015年金像獎嘅愛妻宣言,當時青雲上台獲影帝,佢就話:「多謝我太太(郭藹明),女性觀眾鍾意聽,每次當我揸住太空船,飛到宇宙唔知邊度,你總有辦法令我安全返回地球。」

喺呢個太空船嘅冧爆宣言出咗之後,2016年青雲就同太太聯名開咗一間有限公司,叫做「小飛船」,一聽就知呢個名係同太空船嘅愛妻號有關啦,嗰時有問過青雲係咪送間公司畀老婆,佢就笑住話:「個名邊個改㗎!其實個名都係順口講㗎啫。」講到用「小飛船」做公司名好冧,仲冧到好多讀者,青雲就話:「大家開心就最好喇!」

除咗一間公司之外,仲有一個愛妻行動,就係買咗三千幾萬嘅西貢西沙小築送俾老婆,據知呢間係郭藹明嘅dream house,因為郭藹明唔鍾意市區,所以特別鍾意望海獨立屋,而青雲都好識做咁買畀老婆,當時問到送畀老婆咁sweet,佢就話:「香港每日都有人買屋㗎啦,好平常嘅事,我自己又要住,咁啱佢又冇地方住。」咁間屋係咪郭藹明揀㗎?青雲就話:「係大家一齊睇,唔係送嘅。」

相關新聞:【馮仁昭四圍超】郭藹明陪夫家睇醫生青雲抱阿媽落車

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載