› 選擇地區
三藩市
紐約
洛杉磯
其他美國地區
香港 台灣 北美
 
2018年02月02日

變臉話咁易
Chok爆城城一提囡囡即冧

正所謂「鐵漢柔情」,男人喺出面點拼搏打天下賺錢養家係一回事,返到屋企,見到妻兒就明顯地係另一副面口,尤其係唔少圈中男星,天王級都好喇,平日要幾man有幾man,但一提到佢哋嘅千金,即時唔同樣,好似錢嘉樂都由搞笑派變慈父,真係咪睇小前世情人嘅影響力!其他「見女就變臉」嘅男星好似有郭富城,身為天王嘅佢,都真係要乜有乜咁滯,平日對感情事三緘其口,但一提起囡囡Chant,城城冧樣出晒嚟,把口話為咗保護囡囡乜都唔講,但其實佢為人父啲開心感覺滿到瀉。

另一位有名嘅圈中慈父,係演戲同沖咖啡都好叻嘅陳豪,陳豪同老婆陳茵媺之間育有兩子一女,雖然係幾個仔女佢都錫,但講起囡囡時,陳豪個樣又係冧豬啲!

至於同陳豪一樣有弗爆身形嘅張繼聰,同太太謝安琪舊年成功追到個B女張靖(Karina),阿聰不時喺自己嘅社交網站上載囡囡啲相,字裡行間,慈父feel走晒出嚟。

而縱橫影視界嘅任達華亦係一樣,喺演藝作品中演活警察、大賊、壞人,但返到屋企就係一個好爸爸,佢同囡囡任晴佳感情要好,佢曾經喺訪問講過自己陪個女學彈琴,希望兩父女一齊成長,成件事你話幾sweet呢?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載