› 選擇地區
三藩市
紐約
洛杉磯
其他美國地區
香港 台灣 北美
 
2018年02月04日

持續寒風GiGi凍親照湊女
城城憶悟空 跳崖吊吊揈

(左起)苑瓊丹、郭富城、梁詠琪和羅仲謙前晚宣傳新戲,有份參演的林志玲因病缺席。

郭富城、梁詠琪、羅仲謙前晚到觀塘出席電影《西遊記女兒國》宣傳,扮演「孫悟空」的城城教小觀眾舞棍,還透露自己在電影有場跳崖戲:「有成15至17層樓高,大家以為呢幾日香港好凍,當日嗰個氣溫比香港凍一倍,仲要好大風,我要吊住威吔,都唔係好慣,拍咗一個上午就完成。」

等林志玲宣傳

之後城城要去北京出席大型首映,城城說:「有一個3D巨幕,我作為觀眾都好想參與。」對於在戲中扮演「河神」的林志玲因病缺席宣傳,城城說:「希望佢快啲好番,大家都希望全體一齊宣傳。」有傳林志玲其實因嫌戲份少才缺席,城城避答:「呢啲嘢留番畀佢自己答啦。」
至於扮演「國師」的梁詠琪(GiGi)身體微恙現身:「早兩日最凍嘅時候拍外景,所以凍親,返到屋企仲要飲薑茶。」問會否擔心傳染囡囡?她說:「都冇乜避忌,細個應該接觸多啲病菌,等佢多啲抵抗力,所以冇避開囡囡。」

羅仲謙做阿四

對於志玲缺席宣傳,GiGi覺得很可惜:「原本安排咗好多同佢嘅宣傳活動,佢嘅角色係河神,戲中同佢仲有段情,原本諗住宣傳可以同佢敍舊,𠵱家佢嚟唔到好可惜。」有傳志玲不滿戲份少兼沒對白,GiGi說:「唔關事嘅,相信佢接戲之前都有睇過劇本,所以唔會係呢個原因。」
扮演「沙僧」的羅仲謙稱早前跟生命中最重要的女人,包括老婆楊怡、外母、媽媽、家姐到澳洲黃金海岸旅行:「成程都要服侍佢哋,自己做咗提款機、司機、搬行李同導遊。今次出埠同家人影咗好多相,遲啲放上網。」問楊怡有否拍泳裝照?他笑說:「今次冇,我仲性感過佢,我有啲相冇着上身。」
採訪:曹家誠
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載