› 選擇地區
三藩市
紐約
洛杉磯
其他美國地區
香港 台灣 北美
 
2018年02月04日

開戲院全因情意結

黃百鳴嫌在商場搵戲院難,因此他開Victoria時特別揀地舖。

黃百鳴在銅鑼灣開新戲院Victoria,目前正在試業,其實相隔一條街又有另一間由他打理的JP戲院。前日他在新戲院接受訪問,解釋自己打自己因由:「因為近維園所以改呢個名,JP啲戲院大,新戲院有5間細院,啲戲到第二周觀眾減少,可以轉去新院做,彈性啲。」原來他對JP戲院的情意結,緣於20年前,他說:「JP以前叫翡翠明珠,係我以前嘅東方院線龍頭戲院,96年盜版犀利,戲院冇生意,大家做唔住,96年尾滿約冇辦法做落去,記得最尾嗰一日,我企喺戲院望住塊銀幕同自己講,我總有一日要返嚟,冇諗到要等20年。」

相關新聞:黃子桓做編劇接父棒

由黃百鳴營運的5間戲院,當中亦有另一個童年情意結在內。回想童年時,黃百鳴在街頭行過,都會見到戲院蹤影,他就會入內消磨十多二十分鐘時間:「入去睇吓畫頭、攞啲戲橋,又望吓今期、下期、不日做乜。𠵱家你唔會喺街見到間戲院,去商場搵戲院搵到火滾,轉嚟轉去,所以我搞嘅戲院有一個特點,一定要喺地舖,吸引啲觀眾入去。」
採訪:何永寧
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載