› 選擇地區
三藩市
紐約
洛杉磯
其他美國地區
香港 台灣 北美
 
2018年02月06日

北京巨幕睇自己演出
GiGi為林志玲喊

梁詠琪努力減肥下清瘦不少,狀態甚佳。

郭富城、梁詠琪(GiGi)、羅仲謙、馮紹峰、趙麗穎、小瀋陽及陳雅麗等《西遊記女兒國》演員,前晚聯同星皓老闆王海峰、導演鄭保瑞、聯合出品人黃渤等,在北京國家體育館出席首映禮。歌手李榮浩、張靚穎現場演繹主題曲《女兒國》外,劉憲華、郎朗更即興合奏一曲《女兒情》,電影公司更特別邀請著名音樂指揮家胡偉立,聯同七十六位中國電影樂團成員演奏《西遊記序曲》,為這部於農曆年三十上映的《西遊記女兒國》,完美打造盛大首映禮。

最愛水戰一幕

現場搭建了約五層樓高,重1.3噸的全亞洲最大3D激光巨幕,放映面積超過標準籃球場,畫面震撼,城城說:「我都係第一次喺咁大個螢幕面前睇到自己,好有意思,好震撼。」至於拍攝時每天都要花上數小時,打造國師造型的GiGi亦說:「大銀幕下睇到我同河神林志玲嘅一段情,自己都忍唔住喊。睇完鬆一口氣,比我想像中靚好多,仲係靚女,覺得化咁多個鐘頭妝都值得。」
問謙仔、城城及GiGi可有最難忘的一幕時,他們都異口同聲指是翻天覆地的水戰場面,謙仔說:「好多場口,我哋都係企喺綠幕前做,靠幻想去做戲,冇諗過出嚟效果咁豐富。」城城表示要特別感謝導演鄭保瑞:「因為今次係導演拍嘅第三集,有咗之前嘅經驗,無論製作同演員嘅處理手法都好成熟。」
撰文:葉晴

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載