› 選擇地區
三藩市
紐約
洛杉磯
其他美國地區
香港 台灣 北美
 
2018年02月13日

【馮仁昭四圍超】加強《棟篤》宣傳
波多野結衣襲港過情人節

波多野結衣噚日來港宣傳電影,會喺香港逗留3日。

波多野結衣噚日嚟咗香港,宣傳有份參演嘅賀歲片《棟篤特工》。大約4點,波多野結衣由經理人陪同下抵港,佢話:「今次沒有時間遊覽,有時間也想到處走走,不過也感謝粉絲的支持。」波多野結衣話聽日情人節會喺香港過,笑住指自己冇男士約但冇唔開心,仲話年年都喺工作中過,已經十年冇情人。
黃子華、佘詩曼同蕭定一噚日就坐直升機去石崗直升機場,為電影《棟篤特工》做宣傳。子華話佢同阿佘新年都要為電影宣傳,問佘詩曼情人節有乜嘢節目?佢話:「情人節都要開工幫電影做宣傳。」

子華預告入場

子華就話希望有機會靜雞雞入場睇觀眾反應:「我以前會喬裝,大pat鬚同哨牙反而仲突出,所以今年要再諗過用乜嘢打扮入場。」電影老闆蕭定一受訪時話對票房有信心:「預售嘅成績幾好,見到年初一初二嘅銷售情況真係唔錯。」

另外,甄子丹噚日喺日本拍完外景返港,講到黃百鳴爆佢新戲酬勞過億,子丹話:「唉,啲老闆成日complaint(投訴),其實啲老闆都係叻嘅生意人,唔賺錢點會去做呀?百鳴哥同我咁friend,佢好精明嘅。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載