蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年02月13日

孖老公宣佈要當爸媽
Kary叉腰挺5個月孕肚

20,617

現年31歲的吳雨霏(Kary)前年經歷小產之痛,跟老公洪立熙(Brian)攜手走過陰霾,黑暗過後,黎明終於來臨!昨日Kary在社交網貼大肚相公佈喜訊:「一切美好的賞賜和各樣完美的恩賜,都是從上面、從眾光之父降下來的。雅各書1:17,我們要當爸爸媽媽了!謝謝大家的祝福!」

享受過程

相中的Kary着背心仔晒凸肚,跟老公甜蜜對望,兩人雙手互握幸福放閃,愛犬都抬頭望着女主人,溫馨滿瀉,網友紛紛留言祝福。Kary所屬環球唱片回應:「Kary𠵱家懷孕近5個月,佢同Brian心情都好開心好興奮!跟住呢幾個月Kary會好好養胎。公司上下也非常開心,會全面配合,希望未來幾個月可以給予Kary空間,好好享受這懷孕過程!」
組合Cookies出身的Kary,拆夥後仍跟隊友情同姊妹,鄧麗欣在電話祝賀:「係呀,知道Kary有咗,好開心,我都係比大家早少少知,我都唔係好早知道,因為我哋一路都冇時間見面,佢話想親口同我哋講,𠵱家知道同埋公佈咗,好開心,好戥佢開心,同埋好想快啲見到佢,好想摸吓佢個肚,希望佢開開心心咁安胎。」區文詩則表示:「恭喜!恭喜!」

Miki祝福

至於傳踢爆Kary小產令姊妹情緣盡的楊愛瑾(Miki),昨大方回覆:「恭喜Kary!都係嗰句啦,祝佢幸福快樂,一家人都健健康康!」當日Kary怒刪兩人合照割席,惟Miki否認有出賣姊妹。好友馬天佑昨出席茶餐廳開幕表示:「守咗呢個秘密一段時間,最近都有約見面,覺得Kary係一位懷孕都可以有腹肌嘅女神。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載