蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年02月14日
馬上成為壹會員

人人問AV女神有乜擇偶條件
波多野結衣:鍾意經常笑嘅溫柔男

【蘋果動搞作】

【《蘋果》專訪】現年29歲、有「暗黑林志玲」之稱的35E日本殿堂級AV女優波多野結衣,有份演出賀歲電影《棟篤特工》,她前日旋風襲港,展開留港三天親親宅男之旅,順便跟正牌林志玲演出的另一賀歲片《西遊記女兒國》來個正面交鋒。
今日情人節,波多野會到圓方陪300男觀眾看《棟》片專屬場。她昨午更突襲將軍澳《蘋果日報》大樓接受「人人問」環節,解答大家對她的疑問。波多野被問到擇偶條件,她謂最like鍾意笑及溫柔的男士,而她心目中最鍾意的名人竟然是63歲的成龍,有機會好想見他。
採訪:吳家偉、楊定

相關新聞:【獨家】波多野結衣殺入《蘋果》幕後花絮絕密曝光

Q1.問:可唔可以講吓有乜嘢擇偶條件?目前有冇呢種對象?係咪好想有男朋友?

波多野:喜歡嘅男性類型係經常笑嘅,仲要溫柔,喜歡親切嘅男性。海外fans都好好同熱情,雖然覺得非常開心,不過私下就好少遇到適合對象,未遇到真命天子。好想要男朋友,哈哈!

Q2.問:覺得黃子華靚唔靚仔?

波多野:我覺得黃子華非常有型,噚晚睇咗電影,覺得佢好有型。
噚晚亦見過面,覺得佢感覺好爽朗,又有男人味。

Q3.問:鍾意食乜嘢香港地道小食?

波多野:我唔係時常嚟香港,覺得香港美食好啱日本人口味,十分美味,都想試試飲茶。噚日抵港後都食咗蝦多士,非常好食!

Q4.問:覺得自己最靚邊一個部位?

波多野:最鍾意自己嘅鼻,以前俾人以為我個鼻曾經整容,其實完全天然,係天生得來,所以令我感到自豪。

Q5.問:最鍾意着乜嘢色內衣?

波多野:我最鍾意黑色及白色內衣,今日着裙,所以戴咗nude bra。

Q6.問:鍾意以下邊一個港台名人?
A. 成龍 B. 潘源良 C.周杰倫 D. 沈大師

波多野:因為以前都有睇成龍,所以四人之中最喜歡佢,以往喺日本會重播佢嘅作品,仲未有機會見,好想有機會見佢。

Q7.問:你知唔知自己喺香港極受歡迎?勁多粉絲?至今有冇收過香港fans嘅粉絲信?

波多野:我唔知道呢!我唔係經常嚟,究竟香港有幾多fans,完全冇實在感覺。今次嚟到見到粉絲,好似噚日活動上,專程嚟欣賞電影,我都有跟好幾位fans傾談,仲有女性粉絲,我非常開心。
有來自香港嘅擁躉專程到日本,亦會寄信嚟我嘅事務所。

Q8.問:你覺得你靚定林志玲靚啲?見過佢真人嗎?

波多野:當然係林志玲啦,我同佢根本冇得比,佢太靚,日本嘅劇集都有演出過,有睇過佢嘅作品,好仰慕佢。我其實未見過林志玲真人。

Q9.問:你係咪好鍾意做戲?你喺新戲《棟篤特工》中扮演乜嘢角色?拍攝時有冇難忘事?

波多野:鍾意,雖然自己嘅演技唔係強項,可以有唔同體驗,我好喜歡演戲。喺新戲中,今次係做番自己波多野結衣,主要係喺片中帶路。拍攝時好熱,自己要着和服,幸好一眾合作嘅工作人員十分友善。

Q10.問:諗住拍AV拍到幾歲?有冇想過引退?

波多野:我至今有不少海外工作,都想接多啲不同類型嘗試,至於拍AV方面,暫時冇打算放棄,會兼顧海外工作繼續努力。對於引退,曾有幾次呢個想法。接海外工作前,一直都拍咗太多呢類工作(指AV),所以想接受其他挑戰,包括拍外國電影,可以有不同工作嘅體驗,真係非常高興,想咁樣繼續發展。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載