› 選擇地區
三藩市
紐約
洛杉磯
其他美國地區
香港 台灣 北美
 
2018年02月23日

「我鍾意佢一種皮,唔係普通㗎」
靚靚提Chilam送Hermès

【閃耀人生人心 袁詠儀系列之9 名牌忠粉】袁詠儀(靚靚)一直是Hermès的忠粉,她日前更破天荒獲Hermès中環旗艦店借場拍攝,靚靚甫進店,即在貨架尋寶,有傳靚靚家中有一間房專收藏Hermès戰利品,她說:「我好想,但係未做到。我一定要澄清,我絕對唔係一個狂熱分子,至少我唔係乜嘢顏色都有,我好悶㗎,Hermès嚟講淨係得黑、白、啡。」

敷Mask護膚

靚靚解釋何以對這品牌情有獨鍾,她說:「喺佢歷史故事度學識呢個品牌,佢個袋係點樣做出嚟,佢嘅手工係點,都有啲故事㗎。例如我鍾意佢一種皮,唔係普通㗎,原來都係一個學問,咁我想去學呢樣嘢囉,你要有呢樣嘢先學到㗎,原來佢越用就越有故事、越有歷史,就算佢花咗,只要你用佢,或者你用個乜溫度,佢就會變番滑,好似新嘅一樣。你可以話,你都係貪慕虛榮㗎啦,但我覺得佢對我嚟講係古董,佢唔會過時。」原來老公張智霖(Chilam)節日會給靚靚送Hermès,她續說:「我都要提佢㗎,或者有陣時話畀佢聽『哈!如果你經過開嗰頭,咁就好啦。』都唔能夠成日要求㗎。」
靚靚直認早年曾是購物狂,但人成長了,要買有需要的東西,她說:「𠵱家花費最多係食,成日覺得食嘢quota唔係好多,食多好容易有病,不如選擇食營養啲、有機嘅嘢。」靚靚也是凍齡美魔女,她很重視護膚:「我feel到自己乾就敷mask,嗰排覺得飲水唔夠,就會狂飲水飲湯。」她會選用天然護膚品,至於keep fit,她直認雖有運動,但偏好臨急抱佛腳,她說:「我收得好啫。」她自覺眼嘴都圓,所以上鏡比真人圓碌碌。

採訪:陳月媚
攝影:林德雄
化妝:Kerry wong
髮型:Sam Pan of Muse Hair
場地提供:Hermès旗艦店

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載