› 選擇地區
三藩市
紐約
洛杉磯
其他美國地區
香港 台灣 北美
 
2018年02月24日

黃曉明貼囝囝新相
就嚟高過Angelababy?

唔少藝人名人都鍾意過一個白雪雪嘅農曆新年,包括疑似情變嘅羅霖,仲有許廷鏗胡鴻鈞疑似雪地同行,仲有黃曉明同Angelababy一家喎!

黃曉明同Baby嘅BB「小海綿」上月啱啱一歲,兩公婆非常小心保護小海綿,不讓其曝光,最多都係俾大家欣賞下個靚靚下巴仔。噚晚黃曉明俾多啲網民睇——睇下小海綿依家有幾高。

黃曉明一連兩日喺微博貼舉行滑雪嘅靚相,前晚仲貼咗佢同Baby一人一邊拖實小海綿嘅照片——當然係得個背脊嘅。雪地上的小海綿似乎步履蹣跚,父母就拖住佢隻手仔慢慢行,非常溫馨。唔覺唔覺,原來小海綿都幾高喎,果然係基因強大。

除咗一家三口照片溫馨,其實Baby同黃曉明都有貼自己拖著媽媽隻手雪中漫步嘅相,黃曉明寫道:「當你這樣牽著你的孩子蹣跚學步的時候,是否想到爸爸媽媽也曾經這樣牽著你的手。」、「孩子飛得再高,再遠,父母永遠是我們最溫暖的依賴和港灣。假期,多陪家人。」其中一張黃曉明仲跳起Yeah,成個大細路咁……Baby亦貼出拖住媽媽嘅相,說:「牽媽媽的手。一起走,守護你。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載