› 選擇地區
三藩市
紐約
洛杉磯
其他美國地區
香港 台灣 北美
 
2018年02月25日

屋邨港姐重遊大坑西
楊思琦.童年回憶

【《蘋果》專訪】
【港九情懷】
「屋邨港姐」楊思琦是個念舊的人,毋忘陪着她成長的大坑西邨,每逢過時過節必返老家行一趟,順便探親兼食好西。楊思琦難忘屋邨舊居設計寬闊,走廊夠長,鄰居打開門後,空氣非常通爽,彼此間又守望相助,人情味濃。思琦入行後即搬離屋邨,知慳識儉的她,投資有道,更傳出已是五層樓的小富婆。

相關新聞:懷念公園玩滑板

楊思琦是出名的慳妹,慳慳埋埋,有傳聞指她買了五層樓,孰真孰假,只有思琦知!不過,她確實是一個念舊的人,未選港姐前,細細個便住在大坑西新邨。2001年,思琦當選香港小姐冠軍,即被冠以「屋邨港姐」之名,但她一點都不介意,因為這是她成長的地方。

街坊守望相助

思琦日前便重遊大坑西新邨,並接受本報記者專訪說:「我由細到大都住喺大坑西,直至選完港姐後先搬走。𠵱家每逢過年都會帶埋囡囡(楊卓穎)返嚟探親,但呢區都開始老化,好多年輕一輩都搬走咗。」思琦表示以前屋邨的設計夠闊落,與現時的新樓無得比,她說:「𠵱家啲樓好密集,但以前屋邨嘅走廊好長,隔籬鄰舍都會打開門,只關鐵閘,所以夏天唔使開冷氣都好通風。」
思琦指舊區的街坊十分守望相助,連保安員都視屋邨如自己屋企一樣,會在屋邨種花花草草綠化環境。思琦記得小時候有好多幾層樓般高的大樹,她說:「以前有好多高樹,細個會好驚行去大樹附近,因為有好多老鼠,真係成千上萬呀!所以好多樹都通咗窿,搞到打風時冧咗,好傷心呀,因為啲大樹係陪住我哋成長。」
重遊舊地的思琦,當然還要「食好西」,她推介一間與大坑西新邨相隔一條馬路,有47年歷史的車仔麵檔,她謂以前放學後就會相約一班同學仔去食。麵檔老闆一見思琦就認得,並謂:「你由Form 1就已經嚟食!」老闆還讚思琦十年如一日(應該係接近30年),還打趣道:「你着番學生裝都仲可以呀!」

相關新聞:【母兼父職】人生過山車

難忘雪糕伯伯

之後思琦重返母校瑪利諾神父教會學校,遇見以前的同學仔,思琦說:「嗰位同學仔已經做咗呢間學校嘅老師喇。」昔日校外還有一個雪糕伯伯,令思琦勾起好多回憶:「以前伯伯有賣凍嘅菠蘿,好好味,但伯伯離世後,佢嘅屋企人就送咗雪糕車畀學校紀念喇!」
採訪:嵐山
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載