› 選擇地區
三藩市
紐約
洛杉磯
其他美國地區
香港 台灣 北美
 
2018年02月25日

向海嵐被大台冷待
後悔冇利用成龍炒新聞

向海嵐喺無綫拍劇嘅時候,經常都會做一啲唔係好討好嘅角色,或者係大奸角、配角等等,同主角呢兩個字冇乜緣份,除咗喺工作上冇乜起色,向海嵐喺新聞性上都係比較低調,好少有啲緋聞咁,就算有都係好奇怪。

喺2010年,有網上節目爆料,話曾經有一位港姐三甲變性人,向海嵐仲慘被拖落水,被人話佢係變性人,當時向海嵐喺一個活動入面話:「唔會係囉,無綫係大機構,選港姐好嚴謹,佢咁講即話當日啲評判眼光有問題,可信性極低。」當日佢係着咗件低胸裝闢謠。

仲有一單就喺00年,爆出向海嵐同成龍嘅緋聞……乜佢哋有交往0架咩?

向海嵐近日接受商台《1圈圈》訪問,就講番同成龍撻著呢單嘢,猛話好無奈,仲講笑咁話冇好好咁利用呢單緋聞:「呢單嘢真係一件好奇怪嘅事,真係唔知道點解咁寫。我覺得呢件事真係好無厘頭。其實嗰次報道之前,我真係冇咩機會接觸成龍大哥,但後嚟喺一啲活動上是真係有機會認識過,依家諗番就覺得應該要好好宣傳一下,可能我嗰陣會多啲工作呢,哈哈!」

向海嵐又自爆,雖然單身多年,但其實一直都有嘗試認識對象:「只係大家唔知冬道啫!入行以嚟其實都拍過三、四次拖。雖然單身好耐,但中間都有嘗試過認識對象,有試過與對方磨合,但就是唔Work,所以都係做番朋友。我唔會刻意選擇或抗拒幕前人,我覺得咁樣真係好隨緣。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載