› 選擇地區
三藩市
紐約
洛杉磯
其他美國地區
香港 台灣 北美
 
2018年03月02日

宣佈封肚 怕再生湊唔掂
Ana R.陀百厭B 瞓唔到

Ana即使懷孕5個月,依然身穿高踭鞋出席活動打鑼鼓。

剛踏入狗年,娛樂圈喜事連連,繼熊黛林、葉翠翠、陳倩揚與名模Jessica C.紛紛公佈懷孕喜訊,懷孕5個月的Ana R.昨日出席活動,分享陀着「百厭BB」的苦與樂,而已育有一女的鍾嘉欣昨日被爆懷有第二胎,認真可喜可賀!。

名模Ana R.昨日於觀塘出席「香港婚嫁囍事回顧展」,捧住近5個月巨肚現身的她笑指在肚內的BB很百厭,還日夜顛倒,令Ana冇覺好瞓,她說:「BB喺肚裏面不停滾動,尤其係夜晚,噚晚我只係瞓咗一個鐘,今日會嘗試做按摩,希望可以令我易啲瞓。」見Ana上圍升cup,她說:「只係胸圍影響,身形冇變化,可以繼續着舊衫,只係個肚每日都快速長大,𠵱家我只係重咗2公斤。」
問到會否繼續再生?Ana即耍手擰頭,並宣佈封肚,她說:「That's it(夠了),喺香港養兩個小朋友唔容易,香港唔同美國同英國,小朋友有好多課外活動,加上我老公都係個baby,我怕再生會難以應付。」今天是元宵節,Ana透露已約了丈夫晚飯二人世界,她說:「因為西方情人節佢太忙,取消咗晚飯,生咗大女後,我哋已經有一年幾冇二人世界,今次真係要好好記錄低。」Ana爆老公已送了兩束花給她,分別代表Ana與兩位小寶貝,認真有心思
採訪、攝影:羅慧敏

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載