› 選擇地區
三藩市
紐約
洛杉磯
其他美國地區
香港 台灣 北美
 
2018年03月02日

【動主播出擊】
喪玩喪食遊靚景 精彩節目任你Click

「動主播出擊,節目任你Click!」《蘋果動》製作嘅精彩節目,全靠一班動記者同動主播用心製作,兼寓工作於娛樂!

《正Trip精》旅遊籽阿Sa最鍾意捐窿捐罅,捐去台灣、日本食買玩,個個trip都快閃平玩,認真爽爆!如果講到嘆,就要羨慕主持《冰島喜歡藍》嘅旅遊籽Nicole,環繞冰島十日遊,浸過藍湖,睇過火箭教堂,仲可以望住雪山靚景浸黑啤spa,這些機會...!

返工放工都可以煲韓劇呢個機會,就屬於阿仙嘅,都係為咗製作《三個粉絲追韓劇》同《仙遊首爾》,深入探討韓國地道文化!而睇返場好戲就係屬於Sapna嘅機會,為咗製作《動開戲》,港產片、合拍片、內地片、西片、日韓片、印度片等,搶先一步睇完再作推介。當然《蘋果動》最撐本土製作,表揚創作靈魂,延續港片精神,創立《最港電影大獎》 ,有群星齊撐!

《蘋果動》仲關心年輕一族,派出RachelBee飛入校園,拍攝《Only U》聽U仔U女發聲。至於一班堅持夢想嘅學界精英,有《籃兒當自強》同《Nike藍球精英賽》展現佢哋遇強越強精神,盡情發揮潛能。

直播節目都一樣豐富,體育fb live請嚟Czon喺《體‧你玩》勇闖修身戰場,《星期五射波》就用最地道形式,緊貼球壇盛事。娛樂fb live《今日ENT》請嚟名人紅星專訪互動,仲有《動識時尚》,由嘉賓主持馬天佑同倪晨曦,邀請圈中好友,一齊分享潮流扮靚心得。

同場加映:動主播召喚

咪睇一班動主播同動記者淨係掛住玩,要有好節目,就要有好talents,如果你自問係大專或以上程度,有話題觸覺,計仔多多,中文唔錯,打字啪啪聲,鍾意出鏡,兼有樣巴閉範疇可以堪稱專家,又有興趣參與台前幕後嘅創作及製作各式節目,一齊度橋、搵料、寫稿、出埋鏡,成為動主播或動記者嘅一份子,即刻send CV、portfolio 同seflie嚟 mailto:vnews.hiring@gmail.com,等你!

截止申請日期︰二零一八年三月九日

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載