› 選擇地區
三藩市
紐約
洛杉磯
其他美國地區
香港 台灣 北美
 
2018年03月05日

好姊妹陀B六個月飯敍
Stephy講Kary孕記

鄧麗欣(Stephy)、徐榮、楊鎧凝及鄭麗莎昨日到大潭出席奧比斯慈善步行活動,起步前眾人齊做熱身操,徐榮囡囡跟着做動作,十分可愛。Stephy昨日表示日前約好姊妹吳雨霏(Kary)和區文詩(Angela)食飯,但對於Kary腹中BB的性別,Stephy堅決不肯透露。

一直想有個契女

Kary懷胎已經六個月,問到好姊妹今胎陀仔還是女?Stephy叫大家問當事人,因她在楊愛瑾(Miki)懷孕時,無意中漏口風爆出對方陀仔,幸好Miki相信她只是無心之失,沒有怪責。Stephy說:「上次真係冇心爆Miki生仔,今次死都唔會講。」Stephy又表示現時已有兩個契仔,所以未有爭上契,但她一直想有個契女。
提到日前與Kary和Angela食晚飯,Stephy說:「好耐冇見,自從Kary有咗BB都冇見面,佢𠵱家好好,幸福滿面,唔算肥好多,只係飽滿咗少少。」Stephy又自爆小學時已有二、三百度近視,上堂經常看不清楚黑板,甚至要偷看隔籬同學的筆記,她笑說:「嗰時又貪靚,唔想戴眼鏡,冇同媽咪講,到中學時五、六百度近視先講,仲搞到成日認錯人同唔應人,人哋以為我好cool。」

徐榮開教育中心

同場的徐榮表示刻意帶子女出席不同慈善活動,他又透露下月會在石門開設教育中心,除有語言教學外,亦設有足球、司儀與演戲等興趣班,屆時他會親自教授司儀及演戲課程,同時正在物色朋友幫忙做客席講師。
採訪、攝影:卓寶花

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載