› 選擇地區
三藩市
紐約
洛杉磯
其他美國地區
香港 台灣 北美
 
2018年03月06日

陶傑鬧賽果:「左膠」分豬肉

梅姨主演的《戰雲密報》,在政治正確底下都應該有獎。劇照

第90屆奧斯卡頒獎禮塵埃落定,《忘形水》奪四獎成大贏家,但名嘴陶傑認為《忘》片不值攞獎,他昨日接受電話訪問時,以「左膠」分豬肉形容賽果:「《忘形水》我睇到一半,唔係好頂得順就起身。呢套戲應該係《鐘樓駝俠》(The Hunchback of Notre Dame)、《美女與野獸》(Beauty and the Beast)講過晒,今次將野生動物加一個21世紀、環保綠色阿凡達色彩,加埋導演被人話抄襲,我覺得冇乜新意。可能我唔夠公道,冇睇到尾,可能到尾開估出嚟好正。我睇意識形態,女主角演一個啞女,好明顯係想政治正確,擺明為攞獎。所以我覺得呢部戲係不值最佳電影。」
至於心目中最佳電影為《黑暗對峙》或者《廣告牌殺人事件》:「呢兩套有新意會係《廣告牌》,好過舊年套好惡頂嘅《月亮喜歡藍》(Moonlight),呢啲同性戀電影《斷背山》(Brokeback Mountain)畀咗已經夠,舊年畀埋黑人,如果為咗政治正確而畀獎呢,就應該畀《戰雲密報》嘅梅姨。」雖然《廣告牌》亦有女性主義、政治正確,但故事講得有新意,有技巧就是好戲:「套戲都左左哋,雖然佢表達手法都幾右,好似滿口粗口男人婆、用侏儒配女主角,都唔緊要,呢啲先係最佳電影,喺矛盾度搵到統一。」
採訪:何永寧

相關新聞:《忘形水》似湯漢斯舊作

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載