› 選擇地區
三藩市
紐約
洛杉磯
其他美國地區
香港 台灣 北美
 
2018年03月07日

補擺喜酒 瘋狂咀嘴
林奕匡接受愛妻一切 唔再鬧交

現年32歲的林奕匡(Phil)去年跟前無綫主持34歲李靄璣(Rikko)在加拿大註冊結婚,昨晚兩人在香港W酒店補擺喜酒,早上一對新人着中式禮服、裙褂跟足傳統儀式向長輩斟茶。傍晚5時,換了西裝的林奕匡拖着低胸婚紗的老婆現身,兩人化身接吻魚甜蜜咀嘴六次,幸福滿瀉。

R&K反串做兄弟

好友鍾健威擔任司儀,伴娘是13年國際中華小姐冠軍鄧佩儀,姊妹團有張名雅、黃美棋、麥雅緻,而馮允謙、Tim@Dear Jane和反串的Robynn & Kendy做兄弟,林奕匡在台上說:「今日諗住簡單party,估唔到出場都好緊張,因為要keep住最靚仔同最有型,最重要承諾太太要照顧佢一生一世,雖然以前平時都有少少嗌交,但結婚之後自己就唔會,因為我會接受佢嘅一切。」Rikko開心到鬆毛鬆翼得戚笑。
之後兩人接受訪問,林奕匡說:「十年前我嚟香港冇親戚,多謝太太親戚當我係家人。今日冇接新娘環節,只係畀開門利是講愛的宣言,希望從今以後令太太唔好擔心、幸福快樂,過去十年係自己最開心,絕對因為有太太喺身邊。」Rikko亦讚老公:「咁多年多謝佢對我100%信任,大家有共識,可以長長久久。」
問到幾時生B?林奕匡說:「自己事業低谷時,佢犧牲好多放棄幕前工作,呢兩三年自己事業穩定,想太太做鍾意嘅工作,好欣賞佢做司儀,事業達標再諗下一步。」

龔嘉欣要搶花球

鍾健威和女友黃美棋齊受訪,問到新娘拋花球時是否志在必得?黃美琪爆料:「唔係呀,好似馮允謙想成家立室,可能拋畀佢女友,到時自己會識做。」問到兩人ready結婚嗎?她笑說:「等我飲多幾餐偷吓師先。」到賀的龔嘉欣送現金,笑言要來搶花球,她說:「雖然之前接過兩次花球,但自己仍然係單身。」黃心美被問到家有喜事,她否認是四妹黃心穎結婚:「嫁嗰個係三妹黃心慧,心穎同馬國明未有咁快,相士話佢哋2019年閃婚。」JW(王灝兒)和男友葉韋彤亦拍拖到賀。
採訪:馬建華
攝影:葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載