› 選擇地區
三藩市
紐約
洛杉磯
其他美國地區
香港 台灣 北美
 
2018年03月09日

電影評論學會頒獎
Stephy封影后眼濕濕 緊張搶金像

Stephy昨日興奮親吻自己第一個影后獎項。

第24屆香港電影評論學會大獎今年1月已公佈得獎名單(詳見附表),昨日在香港電影資料館舉行頒獎典禮,頒了五個大獎,最佳電影是《明月幾時有》,鄧麗欣(Stephy)憑《空手道》贏得影后,影帝是《蕩寇風雲》的倉田保昭,另外亦頒發了八部推薦電影包括《蕩寇風雲》、《29+1》、《相愛相親》等。
Stephy昨日上台領獎時相當激動,眼濕濕說:「我𠵱家好激動,真係要平靜吓情緒,多謝評審認同我,我係第一次攞演員獎項,以後會多咗一份責任,必定要揀啲好戲拍,希望大家睇到我嘅進步。今次得獎,我覺得自己好幸運。」

多謝小方做對手

提到有份提名下月15日舉行的香港金像獎爭影后,問她是否有信心?Stephy說:「平常心面對,不過相信喺鏡頭前一定會更加緊張。」講到方力申指如果她在台上多謝他便會投她一票,Stephy笑笑口說:「佢係咪調轉咗呢?我上得台嘅話就攞獎,仲使乜再投票畀我,不過點都好,佢成日做我對手,我都應該多謝佢嘅。」

林子祥被斟拍戲

倉田保昭贏得影帝,他說:「我拍了52年電影,自己70年代嚟香港拍戲,當時日本朋友叫我不要這樣做,怕我會被人殺死,但根本沒事,當年更得到邵氏找我拍戲。於香港發展期間,我最愛吃叉燒包,今天都會吃叉燒包慶祝。」
林子祥負責頒五個大獎,他自言近年提起拍戲都害怕:「我𠵱家最鍾意瞓覺,拍戲冇得瞓,所以我唔想拍戲喇!」當他頒發最佳導演給《相愛相親》的張艾嘉時,張艾嘉立刻向他招手:「我實會畀時間你瞓,你復出拍我戲啦!」張艾嘉之後受訪,對於成龍指現時只有華語片市場,她表示認同,指現在難以區分香港片、台灣片定內地片,但認為不同地區導演拍戲會有本土風格。
採訪:張俊銘
攝影:仇志德

【第24屆香港電影評論學會大獎部份得獎名單】

最佳電影:《明月幾時有》
最佳導演:張艾嘉《相愛相親》
最佳男演員:倉田保昭《蕩寇風雲》
最佳女演員:鄧麗欣《空手道》
最佳編劇:熊召政、王思敏、譚廣源、吳孟璋《蕩寇風雲》
資料來源:香港電影評論學會

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載