› 選擇地區
三藩市
紐約
洛杉磯
其他美國地區
香港 台灣 北美
 
2018年03月17日

星野源搬新屋
入住結衣BB隔籬單位

日本女星新垣結衣憑主演日劇《逃跑雖可恥但有用》榮封「國民老婆」,TBS電視台一直話會開拍續集延續熱潮,有指《逃恥2》會在今年開拍及播出,不過今期《女性Seven》就報導指,新垣結衣同《逃恥》拍檔星野源最近同一屋簷下,令二人再惹撻着緋聞。



37歲嘅星野源拍完《逃恥》即成一線紅人,拍攝時佢更被指對結衣BB戲假情真,星野源曾在節目上被問到「有沒有真的喜歡上結衣?」星野源速答:「當然喜歡。」至於今次有報道踢爆星野源已經搬到結衣BB隔籬單位,引起網民猜測係咪發展地下情?



記者訪問咗同幢大廈住戶話,呢區有唔少高級住宅大廈,竹內結子都係街坊,而星野源同新垣結衣其實住得超近,兩個單位只差幾秒就到。有工作人員爆料稱,星野源搬到新垣結衣寓所附近都係最近嘅事,唔少圈中人都覺得意外,不過有人就認為星野源搬屋,好有可能係為《逃恥2》作好準備,亦唔排除係電視台安排。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載