蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月18日
馬上成為壹會員

嘉玲艷壓亞洲電影大獎紅毯
JM聞黎明做爸爸:唔敢打搞佢

【澳門直擊】
第十二屆「亞洲電影大獎頒獎禮」於昨晚假澳門威尼斯人劇場舉行,出席嘉賓有古天樂、劉嘉玲、劉偉強、毛舜筠、鄧麗欣(Stephy)和Janice Man(JM)、張艾嘉、杜琪峯、許鞍華、馮小剛、曾志偉、林心如、吳京、王祖藍和張晉等,當中以劉嘉玲的低胸及Stephy的大露背裝最為性感。

不太熟阿Wing

JM約傍晚6時許到場行紅地毯,當她被問到衣着為何如此密實?她笑言:「唔使年年都性感嘅,適當時候就會性感。」最近她會到內地拍時裝電視劇,她說:「會留三四個月,其實拍完《狂獸》之後都差唔多一年冇拍戲,因為暫時都未遇到適合嘅劇本。」問曾簽約黎明公司的她知否前老闆快做爸爸?她說:「噚日都有睇到呢一單新聞,但係我未搵佢,先唔恭喜佢住,亦都唔敢打搞佢,怕佢太忙。我同阿Wing係舊同事,不過佢負責李治廷嗰邊,所以我同佢唔係太熟。」
昨晚鄧麗欣聯同張晉一齊入場,兩人負責頒發最佳動作電影獎項,Stephy表示:「今次嚟頒動作戲,同動作戲扯上關係自己都覺得好有型,自己今年個形象都偏向『打女』,個感覺幾好。」

古天樂平常心

古天樂角逐影帝,昨晚他盛裝出席時,記者問他是否好緊張,他說:「冇喎,我都係噚晚先決定着乜衫嚟!」問他得獎後如何慶祝?他笑說:「得咗獎先講,其實唔會有乜特別慶祝,因聽日有嘢做。」
有傳《我的少女時代2》將開拍,王大陸昨晚出席頒獎禮被問到會否接演?他表示:「沒有,稍後我會再與陳玉珊導演合作,也是一部以少女為題材的電影。」
採訪、攝影:葉雪

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載