蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月23日

怪獸媽狂谷子女讀書
謝玲玲認虛榮

15,255

謝玲玲為林家誕下五名兒女孝賢、恬兒、顥伊、心兒和孝能,孝賢正修讀博士,恬兒是碩士生、顥伊是博士,心兒則正修讀碩士,五子女讀書都叻,這跟謝玲玲管教十分嚴格有關,30年前她已是一名「怪獸家長」。 她說:「一位補習老師,成個晏晝都喺屋企,一個補完又一個。」然後,一班仔女學芭蕾舞、學琴、學小提琴、學功夫……年終無休。謝玲玲表示會體罰,她說:「我都係俾爹哋媽咪喺屋企打,所以我教仔都要嚴。」

灌輸危機感

為子女更「貼地」,謝玲玲送大女恬兒去非洲做義工幫人起屋,孻仔孝能送去司機的公屋住幾晚,灌輸子女一種「危機感」,她說:「自細教佢哋,自己賺到嘅錢先係你,爹哋、媽咪、嫲嫲嘅唔一定要畀你。」五子女都是碩士、博士生,謝玲玲直認有一種虛榮心。她說:「其實仔女有冇成就,係媽咪虛榮感,呢方面我承認嘅,我一定要佢哋讀到碩士、博士,講出嚟就自己都好proud of,好開心。」

抱孫大不同

謝玲玲與林建岳離婚後,變了單親媽媽,她說:「如果兩夫妻,一個可以扮黑面,一個可以扮白面,嗰陣時乜都要做晒。有次帶埋細仔同朋友飲茶,佢扭計,當時七、八歲,旁邊啲人叫我唔好咁惡,我就話:『請你唔好出聲,我𠵱家教仔。』𠵱家諗番起都幾儍,以前太過着重『我係媽咪,要贏晒』,𠵱家我都改變咗,會商量吓。」
如今已經是婆婆的謝玲玲,有所領悟:「𠵱家我好錫孫,有少少補償我以前冇enjoy同仔女嘅感情,對住孫完全冇壓力同負擔,淨係錫佢同愛佢就得。」
採訪:梁錦雯
場地提供:Beefbar

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載