› 選擇地區
三藩市
紐約
洛杉磯
其他美國地區
香港 台灣 北美
 
2018年03月24日

安以軒為咗一個人
絕口不提懷孕事

台灣藝人安以軒前日突然於微博報平安,指自己因為急病,醫生話要即時做手術,否則會有生命危險,但安以軒一直未有透露自己所患何病,而台灣《壹週刊》報道則指安以軒係宮外孕,陰道出血,急需做手術保命。其實安以軒對懷孕一事絕口不提呢,原來係為咗另一個人。

昨日台灣《壹週刊》報道指,安以軒於21日由大陸返台灣,由澳門百億身家老公陳榮煉及雙親陪同下入院,期間丈夫對安以軒寸步不離,不時為佢整理棉被,盡現擔心之情。

其實上年佢哋結婚不久,就傳出陳榮煉今次係再婚,與前妻育有一名8歲女兒,但當時安以軒就話佢老公都係「第一次結婚」,但對女兒一說輕輕帶過,沒有承認亦未有否認。

對於老公同舊愛育有嘅8歲女兒,報道引述知情人士話,安以軒其實好錫呢個囡囡,且與陳榮煉結婚前,已視對方女兒如己出,令陳榮煉十分感動。但做後母實在不易,仲要企喺小朋友嘅角度去諗,知情人士話,安以軒覺得8歲嘅小朋友已經會上網睇新聞,佢唔想個女覺得爸爸好急咁想生另一個BB、分薄咗佢嘅愛,所以安以軒就唔想公開講懷孕嘅事。

台灣《壹週刊》再向安以軒嘅經理人了解,對方回覆稱都係睇安以軒微博先知佢做咗手術:「我傳了訊息給她,但她應該身體還很虛,沒有回覆我,所以不清楚是否為子宮外孕,我們都很緊張,也謝謝大家關心。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載