› 選擇地區
三藩市
紐約
洛杉磯
其他美國地區
香港 台灣 北美
 
2018年03月28日

明哥開騷冇搵贊助「好多門閂咗」

【我們的演唱會】黃耀明被內地封殺後,將於下月靠自己力量再踏舞台,跟人山人海戰友蔡德才假灣仔演藝劇院舉行「明曲晚唱」演唱會,雖然場館只容納600位觀眾,但明哥日前在中環接受本報專訪卻傲氣說:「我決定做一個咁細嘅騷,因為覺得大家對音樂嘅想像好窄,一定要喺紅館做先係音樂會,我覺得大家唔好咁好大喜功!」

蔡德才拍住上

明哥事先張揚個唱只有他和蔡德才兩個人,零舞蹈員零樂隊:「試吓原來音樂可以咁玩法,點解係蔡德才?因為今次唔唱達明一派歌,發覺自己唱得最多就係蔡德才嘅歌。91年達明一派第一次分開,我問蔡德才『我一個人出嚟,以後冇劉以達幫手,你會唔會幫我搞solo唱片?』佢話好。」
兩人合作寫的《春光乍洩》、電影《香港仔》主題曲《目的地》都奪得很多獎,這兩首歌對明哥特別有意義:「我頭兩張個人大碟,比起以前達明一派,冇帶畀我更大迴響,但《春光乍洩》幫我吸引到更多人對黃耀明有興趣,亦奠定我某啲歌曲路線。而《香港仔》主題曲喺佔中之前出,嗰時醞釀緊香港喺好奇怪氛圍之下,有好多事有好多阻滯,自己好鍾意呢首歌,雖然冇大流行,但好開心得到獎,原來都有人欣賞。」

細規模演唱會

今次開騷有否搵到贊助?明哥坦言:「冇搵過,一來諗過呢個係細規模演唱會,自己都搞得掂,二來覺得𠵱家好多門真係閂咗,唔好嘥咁多力,如果自己仲可以做到,做咗先。經過佔領運動之後、所謂有人封殺咗我哋之後,有啲嘢可以自己做,唔一定要靠人。」
採訪:余燕儀
化妝:Vanessa Wong

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載