蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月28日
馬上成為壹會員

子華棟篤笑昨早錄3千單交易
再發聲明:尚餘少量門票

黃子華最後一次棟篤笑《金盆o浪口》前日開始信用卡優先訂飛,結果一開始好多人話電話打唔通,網絡塞車,同時都有假訊息流傳,F5掣撳到爛,有網民試過撳到入網頁見到得單丁位賣,不過再狂撳到幾次,就會成功買到兩張門票,昨早有唔少網民撳到入售票網,揀到場次同門票數量,之但係去到confirm就彈咗出去,有啲網民以為見到「曙光」,點知揀好晒去到信用卡payment畀錢時先彈出去。

呢個購票過程「無限輪迴」喺彈出彈入嘅結界,啲網民再睇埋唔少網有黃牛炒價票賣,最貴880元門票,黃牛價炒到每一張由1,300元到2,400元不等,尾場貴飛甚至炒至1萬5千元,搞到想睇棟篤笑嘅網民好嬲嬲。

AEG購票網昨日喺facebook發出嚴正聲明,就近日收到客戶就Stubhub、Viagogo及Ticketbuynow網站在AEG作出「優先訂票」之前已公開售票、或採取「同步開售」之票源一事作出查詢,AEG特此作出嚴正聲明,指公司自開業以來,從未同任何代購票網等有任何業務上之往來,「對其宣稱有門票銷售也莫名奇妙,十分無奈。勸諭大家在網上訂購時小心,提防以免受騙」。

官方購票網更指由昨早9時開始截至下午12點半,已成功錄得3000單以上交易,現尚餘少量門票,請網民耐心等候及嘗試。

之但係買唔到飛嘅網民仍好鼓譟,於facebook留言問……
「你哋有冇Check過真正個別load到既有幾多?3000宗係咪有2900宗係牛牛程式?上星期五月天又係咁,呢兩日黃子華又係咁」

「優先訂飛都係開show前一個月先知分到咩位置,o依家黃牛網已經寫晒第幾排、第幾排,而且次次優先訂飛買最貴飛都係住十幾二十排,人哋黃牛飛可以坐到頭幾行、字母行數」

「由琴日朝早8點幾打電話上網,busy server到宜家,100%好正常咁唔通被cut線、入唔到個網,仲唔夠耐性咩」

「電話永世唔通,通咗就話過左office hour,個網永遠server busy,夜晚11點半都仲係server busy」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載