› 選擇地區
三藩市
紐約
洛杉磯
其他美國地區
香港 台灣 北美
 
2018年03月29日

【add時尚】花十年創造自己
袁偉豪下戰書

【《add》專訪】提起香港先生,袁偉豪這個名字絕不陌生,由2007年正式加入無綫,直至2016年憑《城寨英雄》中牙佬一角彈出,成為當家小生;去年認愛港姐張寶兒,愛情事業兩得意,對袁偉豪來說,他卻希望有更多的挑戰。
撰文:高綽盈
攝影:林德雄
服裝提供:Chevignon

相關新聞:Chevignon x Whoval日本麻質紗布契機

袁偉豪回想2007年,經歷數年工作上的低潮期,卻因朋友一番話改變了命運,「06年時有朋友見到香港先生比賽,就同我講不如你去試吓, 當畀自己一個機會,睇吓可唔可以再有多啲發展。」他膽粗粗參加比賽,意外獲得冠軍,開始拍劇生涯。

做瘦人角色

雖然被喻為「最成功的香港先生」,袁偉豪卻花了近十年時間在觀眾心目中留下印象。問到當中有否想過放棄,他一面認真:「真係冇諗過放棄,因為由07年加入無綫,就知道呢個機會好難能可貴,所以十年間不停咁開工,從中去訓練同鍛煉自己嘅技巧。」
2016年是袁偉豪彈出的一年,由《城寨英雄》的牙佬、《鐵馬戰車》的施馬Sir 到《使徒行者 2》的徐天堂,多個形象深入民心,他笑言:「呢幾個角色都係我自稱,係我自己嘅經典。」由加入無綫前已經開始健身的他,雖然因大隻、爆肌形象令他更為人熟識,但同時亦限制了他的發展,「我希望去嘗試一啲同自己好大分別嘅角色,例如唔使除衫騷肌肉啦,可能飾演一個好重磅或好瘦削嘅人,挑戰會更加大。」

事業順利,愛情同樣得意,與港姐女友張寶兒正打得火熱,透過報道才知道女友來自大富之家的袁偉豪,對於被指兩人身份背景有差異,他笑言:「我冇壓力喎,我反而覺得要更加畀心機去做嘢,佢屋企背景點係佢嘅事,調番轉睇我呢個時候應該要做啲乜?就係要去做番好自己。」

女友心地好

問到張寶兒最吸引他的地方,一抹甜笑馬上掛在袁偉豪臉上,「一個心地好嘅人自然吸引到多啲人鍾意。」兩人年紀相距十年,但袁偉豪指並無代溝,「我哋其實好夾,思想上亦好夾,所以令到我好surprise,兩個人可以咁夾,有好多共通點嘅,不過呢啲就係我哋之間嘅秘密。」

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載