› 選擇地區
三藩市
紐約
洛杉磯
其他美國地區
香港 台灣 北美
 
2018年03月29日

40億泵大慈善基金 落區助貧童
甘比細女曝光似足大劉

甘比陳凱韻今年1月為大劉劉鑾雄誕下第三個孩子、囡囡Josie,昨日甘比將細女照片放上facebook,可見首度曝光的囡囡跟大劉十足餅印,肥肥白白,十分有福相。甘比忙於照顧孩子,又要協助大劉管理劉鑾雄慈善基金的事務,產後極速收身的她日前就趁復活節假期前,到以大劉媽咪命名的劉葉淑婉紀念自修中心送暖。

相關新聞:【身教重要】徐子淇子女探訪老撾

香港首富李嘉誠早前宣佈退休後會積極參與慈善事務,而另一位富豪劉鑾雄多年來亦默默透過名下的慈善基金幫助很多貧困家庭。劉鑾雄慈善基金於96年成立,多年來大劉已向基金捐款超過40億元,未來會繼續投放資源和金錢。

深水埗設自修中心

慈善基金成立宗旨是提供各方面援助,照顧一班弱勢社群,尤其特別關注兒童的升學問題、醫療捐獻、老人膳食及住宿問題,同時為了幫助窮學生有自修室,大劉於深水埗開了一間以媽咪劉葉淑婉名字命名的「劉葉淑婉紀念自修中心」,會員已超過1,000位。
甘比透露深水埗只是第一個試點,她昨日表示:「我哋個基金會宗旨係培育學生、發揮潛能、服務社區、關愛社群,呢二十年基金幫助過好多家庭,供過唔少學生出國讀書,大劉又曾親自約一班小朋友去福臨門午餐,有時大劉睇新聞發現有好可憐個案,佢會立刻提供援助。」
日前甘比去了劉葉淑婉紀念自修中心,派發親手造的曲奇及蛋糕送給區內兒童,希望他們可度過一個愉快的復活節。為教導下一代都要有愛心,甘比不時會帶大女秀樺和兒子仲學去做公益,之前秀樺就去過自修中心教小朋友做湯圓。甘比說:「劉生同我都唔係大富大貴嘅家庭出身,我喺公屋長大,一直希望飲水思源,回饋社會。」
甘比指受到老公薰陶,明白到施比受更有福的道理,所以盡力做好慈善工作:「我哋除咗對單位資助外,睇到報紙有乜嘢人需要幫忙亦會幫手,咁做比較直接,亦因為我哋希望能實實在在咁提供有需要嘅物資或錢畀受惠人,所以我哋寧願自己請社工同職員,唔會只捐錢畀慈善機構,唔想只係單單捐款而忽略解決問題。」
問甘比幫助個案中有沒有令她好感動的?她說:「好多好多,其中有一個學生喺自修中心經老師教導後,成績大有進步,最後考到第一,讀大學後又返嚟中心當補習老師幫補家計,自力更生之餘,又將關愛延續落去,呢點令我好感動。」

眼大鼻大天生福相

此外,甘比昨日在fb放了兩張1月出世的細女Josie照片,但不久後即刪除。兩張照片中,一張是Josie出世一個月,一張是近照,可見她眼大鼻大、額頭飽滿又高,肥肥白白似足爸爸有福相。
採訪:鍾國仁

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載