› 選擇地區
三藩市
紐約
洛杉磯
其他美國地區
香港 台灣 北美
 
2018年03月29日

王浩信搵胞弟劈酒訴苦
陳自瑤橫店開工睇桃花

王浩信同陳自瑤早前被指分居,又傳王浩信專注事業,忽略咗家庭,以致婚姻亮紅燈,更先後與蔡思貝、江嘉敏等傳緋聞,昨日有周刊報道稱日前王浩信同胞弟王瑋彤(Tony)喺淺水灣一間酒吧飲嘢,王浩信一坐低,係咁同細佬講嘢,傾咗一陣先叫啲嘢食,二人仲嗌咗支四、五支啤酒,王浩信飲完嘢喺附近行咗半個鐘,再去拎車走人。

昨日姚子羚貼咗一啲喺橫店拍攝新劇《包青天再起風雲》嘅相,見陳自瑤開心睇桃花,而陳自瑤就喺微博貼出身在油菜花田嘅相,笑言「我和油菜花的約會」。

老婆陳自瑤呢排忙拍劇,難怪王浩信間唔中要做「湊女公」,早前喺IG貼出與囡囡王靖喬嘅相,據周刊報道指對於老公被傳連環偷情,陳自瑤仲未嬲完,至今都冇喺網上po同老公嘅恩愛合照,陳自瑤之前喺活動遇見江嘉敏,即刻面色一沉。睇怕要o氹番個老婆,王浩信真係要努力啲。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載