› 選擇地區
三藩市
紐約
洛杉磯
其他美國地區
香港 台灣 北美
 
2018年03月29日

阿嬌稱拍拖好少發脾氣:因為好懶

鍾欣潼(阿嬌)去年因停留台灣數月拍偶像劇《動物系戀人啊》,而結識未婚夫賴弘國,今年內擺酒結婚,阿嬌同賀軍翔主演新劇《動物》前日舉行發佈會,現場突然閂燈,阿嬌fans即拎出手機螢幕照亮個場地,大叫口號「鐘欣潼勇敢愛,我們支持你」,更唱出《下一站天后》,當主持問fans此舉動代表啲咩,有一位fans拎住咪講希望阿嬌勇敢去愛,擁有美好嘅愛情,阿嬌反問:「剛剛是你安排的嗎?」

阿嬌喺劇中演「松鼠系女友」乖乖女楚之河,佢話個角色同自己幾似,都會注重愛情中嘅浪漫細節,阿嬌坦言於生活上自己係個性比較強嘅女仔,對於未來,阿嬌希望有一個溫暖嘅家,而另一半可以好像海豚咁保護家人,阿嬌有感而發:「戀愛中陪伴很重要。」

講到拍戲趣事,阿嬌笑指:「我是一個不喜歡吵架的人,但劇中有蠻多吵架戲,挺累的。」阿嬌指自己喺現實中拍拖好少發脾氣,因為好懶。被問有冇同導演商量少啲嘈交戲,阿嬌講笑:「有跟導演吵架。」

喺愛情答問環節上,阿嬌透露自己愛情觀,直言「如果分手分得很難看,就不會再聯繫」;至於講到「媽寶男」係會犧牲掉自己同太太利益去迎合媽媽嘅想法,如果阿嬌萬一遇到「媽寶男」會點做,阿嬌笑言會試着離開。此外,當被問女仔點同對方搭訕,阿嬌即教路:「那就假裝要借紙巾跟對方說話。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載