› 選擇地區
三藩市
紐約
洛杉磯
其他美國地區
香港 台灣 北美
 
2018年03月29日

冒認職員網上放售黃子華門票
通利澄清:絕非由本公司流出

子華神「最後的棟篤笑」日前預售門票,被搶購一空就預咗,最慘得票者唔係真fans,係黃牛黨,炒貴晒啲飛,搞到子華神憤怒了,要拍片出嚟呼籲fans唔好買黃牛飛,寧願見吉凳都唔要fans捱貴飛,fans們冧豬之餘,應該都努力緊度橋點撲飛。

咁喺呢啲時候,梗係唔知係邊度就會有啲「內部飛」、「主辦單位攞飛」之類嘅飛冒出,雖然冇話人哋一定係假,但就真係、真係、真係(重要嘅事講3次!)要好小心、好小心、好小心。

好似負責今次賣飛嘅通利琴行,昨日就近日有人宣稱係該公司員工,於網上兒售子華神楝篤笑門票一事,作澄清聲明,話由於門票尚未公開發售,現時喺巿面上嘅門票並非由通利琴行方面流出,亦冇授權任何人喺指定場地或途徑以外售票。仲話如果真係有人以通利琴行名義向公眾炒賣門票的話,通利琴行佰保?法律追究權利。

另聲明中又指,通利琴行有嚴格規定,員工禁止以任何方式於內部購買經通利琴行出售之任何門票,亦唔接受公眾人士以任何物件排隊購買門票,仲叫如果市民發現相關情況,可向警方舉報有關事宜。

各位想捧子華神嘅觀眾,就要小心啲喇!

通利琴行於其facebook專頁發佈的聲明如下:

有關節目及活動門票售賣事件嚴正聲明

就有人自稱本公司員工於網上兜售「黃子華棟篤笑2018金盆(0浪)口」門票事宜,通利琴行有限公司謹此聲明,該節目門票目前仍未公開發售,現時市面上的門票絕非由本公司流出。本公司從未授權任何人在指定場地或途徑以外售票,如有人以本公司或本公司員工名義向公眾炒賣門票,本公司將保留法律追究權利。

有關節目及活動門票公開售賣事宜,本公司有嚴格規定,員工禁止以任何方式於內部購買經通利琴行出售之任何門票。本公司亦不接受公眾人士以任何物件排隊購買門票,如市民發現相關情況,可向警方舉報有關事宜。

本公司呼籲市民於正式途徑購買門票,以免受騙或招致任何損失。

通利琴行有限公司謹啟

二零一八年三月二十八日

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載