› 選擇地區
三藩市
紐約
洛杉磯
其他美國地區
香港 台灣 北美
 
2018年04月04日

直播親手製Tee
周秀娜怕見陌生人:唔識以為我好寸

周秀娜表示憑電影《29+1》獲金像獎提名,對她是一種認同。

【動識時尚】周秀娜憑電影《29+1》首次獲提名今個月15日舉行的香港電影金像獎最佳女主角,與一眾好戲前輩爭獎。不過,一向「顏值」高的娜姐,對扮靚自然有心得,前晚現身潮流達人馬天佑,替《蘋果》主持的fb直播節目《動識時尚》,分享心得之餘,又提到近日已為金像獎準備戰衣。

寫定金像獎講詞

娜姐透露已經試了好幾款衫,不過就仍未決定會穿哪一套。馬天佑問她今次出席金像獎是否人生重要時刻?娜姐坦言十分重要:「其實入圍已經覺得有好大認同,但呢個係人生第一個金像獎提名,之前一年同團隊去行紅地毯,都有諗第時有冇機會用第二種形式再嚟過,平時又有幻想,自己會有一部戲喺台下等宣佈獎項。」馬天佑又問娜姐是否準備好講詞?她笑謂:「都有寫定,因為口才唔得,會一片空白。」
在直播節目中,馬天佑和娜姐一邊傾、一邊設計T恤,利用顏料在白色T恤上印上「29+1」幾個字,有網民問娜姐可曾試過做衫送男友?她即笑謂:「買就有,做衫好難,織頸巾都有試過。」

自嘲個樣生得惡

另外,馬天佑又指娜姐看來像怕跟陌生人說話,娜姐直認不習慣見陌生人和去陌生的地方。她笑說:「唔識我會以為我好寸,好cool,我個樣又生得好衰,天生好惡,唔會無端端笑,大多數都係發呆,所以夠膽同我講嘢嘅係好有智慧!」
採訪:小米
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載