› 選擇地區
三藩市
紐約
洛杉磯
其他美國地區
香港 台灣 北美
 
2018年04月04日

猷君帶奚夢瑤陪遊曼谷
四太派Like:佢係好女仔

【爆相爆片】賭王四房23歲公子何猷君早前復活節,被讀者劉先生透過「爆相爆片」分享,影到他帶29歲內地超模女友奚夢瑤陪媽咪梁安琪遊曼谷,同行還有家姐何超盈和哥哥何猷亨。奚夢瑤全程陪實四太,表現乖巧,似乎已過未來奶奶關!劉先生在電話說:「嗰晚大約7點,喺Siam Paragon見到奚夢瑤,身邊就係四太一家人,佢哋喺商場搵地方晚餐。」

相關新聞:猷啟避談婚事

殷勤服侍未來奶奶

劉先生指奚夢瑤陪四太去到一間cafe,三個仔女繼續在商場搵餐廳,約兩分鐘後猷君折返帶四太和女友到餐廳會合超盈。劉先生說:「奚夢瑤對四太比較殷勤,四太喺cafe坐低,只有佢跟埋入去,仲幫四太拉凳。」從相片所見,着牛仔熱褲的奚夢瑤騷誘人長腿,劉先生就是憑長腿認出她。問到兩人有否拖手?劉先生說:「奚夢瑤有拖何猷君,只係拖咗兩、三秒,可能四太喺現場。」

讚兒子有眼光識揀

而四太昨日接受電話訪問講到曼谷之旅說:「都係行吓街食吓嘢,不過都係玩咗兩、三日,今日都要返工。」問到對奚夢瑤的印象,四太有讚無彈:「佢係好女仔,好有上進心,做嘢頭頭是道,好細心,佢好忙,佢同猷君喺第二度飛嚟,呢個女仔真係幾好。」是否覺得猷君揀得好?她笑說:「佢好眼光,但要睇番有冇福氣,佢哋係唔係拍拖就問番我個仔。」
身高5呎10吋的奚夢瑤跟陳冠希女友秦舒培、劉雯、孫菲菲被封內地四大超模,奚夢瑤更是猷君家姐超盈的閨蜜,去年猷君跟舊愛袁紫僑(CoCo)分手後,火速與奚夢瑤擦出愛火花,還破例上內地節目公開示愛。
採訪:皓騫、唐如

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載