› 選擇地區
三藩市
紐約
洛杉磯
其他美國地區
香港 台灣 北美
 
2018年04月04日

鐵馬兄弟團馬國明嘉穎頂酒
林子善娶老婆爆喊 搵錢買樓 押後生仔

藝人林子善去年在日本扮燈神,以一枚1.6卡鑽戒向拍拖五年的圈外女友董佩欣求婚成功,同年10月簽紙成為人夫。昨日他在將軍澳一酒店設宴及接新娘,一班《鐵馬尋橋》兄弟鄭嘉穎、馬國明、袁偉豪等美男任「戥穿石」,輕易過關接得新娘。眼淺的林子善在接新娘及婚禮時三度爆喊,為了完成買樓大計,生仔計劃將押後進行。

相關新聞:唐詩詠反串俾人玩食蟲

現年35歲的林子善去年在日本搞完驚喜求婚後,昨日在將軍澳一酒店筵開63席補辦婚禮迎娶董佩欣(Kary),整個婚禮連同早前到馬爾代夫拍攝婚紗照,豪花七位數。昨日早上10時15分,子善以一輛開篷勞斯萊斯到將軍澳一酒店接新娘,伴郎為袁偉豪,戥穿石由曾合作演出劇集《鐵馬尋橋》的好友唐詩詠、鄭嘉穎、馬國明等擔任。

姊妹團暈浪

一對新人穿上傳統中式裙褂及禮服見傳媒影合照,新娘戴着一隻金豬,兩條金手鏈五對龍鳳𠼦。影完相後,新郎新娘折返房間繼續斟茶,留下眾兄弟在場。馬國明透露接新娘時,最重要環節是子善的「愛的宣言」,眾兄弟笑說聽落沒多大感覺,反而是子善講到眼泛淚光,他們異口同聲說:「冇喎,係子善講到眼濕濕囉,我哋就喺度笑之嘛!」
晚上子善換上紫色西裝,拖着身穿白色晚裝的太太Kary見傳媒,兩公婆都戴着鑽戒,又應要求咀嘴任拍,子善說:「呢隻係求婚連結婚1.6卡鑽戒,顏色同切割方面係最靚嘅。我未必買到最大嘅畀太太,喺quality畀到佢最好,人一世物一世,太太係值得我買畀佢嘅。」子善表示昨晚大概12,000元一圍,兩年前二人已開始儲錢準備。講到接新娘時,子善直言靚仔大晒:「啲姊妹團見到袁偉豪已經開咗三分二門,見到馬國明同鄭嘉穎成道門開晒。」\

相關新聞:苟芸慧弗晒去取經

憶述又想喊

子善又透露在講愛的宣言前已經爆喊:「一跪低嗰下已經忍唔住,我冇要到姊妹準備嘅『愛的宣言』稿,都唔係出自我真心,自己講咗三句又喊。」他憶述時亦眼有淚光。談到造人大計,兩公婆有共識,子善說:「我想將來嘅小朋友有好好嘅生活,所以我希望努力工作、買樓先,同埋check咗自己身體先,或者下年。」
此外,鄭嘉穎傍晚出現時直言接新娘十分順利,笑言姊妹們沒有被兄弟迷惑而開門,一切交足功課,又爆會與馬國明幫新郎頂酒,指馬國明飲醉後語無倫次,自己喝醉就會瞓覺。
採訪:曹家誠、黃曉妍
攝影:林賓尼、葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載