› 選擇地區
三藩市
紐約
洛杉磯
其他美國地區
香港 台灣 北美
 
2018年04月04日

宋熙年陳智燊宣佈造人成功

上月宋熙年才放聲氣話同老公陳智燊努力造人,仲話:「好快,努力中,希望生到狗BB!」終於如願以償,昨晚兩公婆分別於IG貼圖宣傳造人成功。相中陳智燊仲好肉緊咁一邊啜太太面珠,雙手輕按太太腹部,好甜蜜。其實陳智燊兩公婆一直都好鍾意小朋友,2016年9月結婚後,搏命搵銀儲奶粉錢,宋熙年曾經仲話:「自私啲講,我都想sweet sweet吓先,去多啲旅行,生咗小朋友,Jason會日日對住佢笑唔記得我。」過咗兩年二人世界,就要開始努力喇。去年底兩人一齊出席一個孕婦產品活動時,已經話會「學以致用」,不過宋熙年就投訴老公太忙,仲打趣謂可能去到某啲「關鍵日子」要幫老公向劇組度期嚟「造人」,講到咁白,嚇到陳智燊都好尷尬咁話:「嘩,你講到咁揚呀!」至於生幾多個,陳智燊就話希望第一胎生孖胎,宋熙年都話覺得孖胎、甚至三胞胎都接受。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載