› 選擇地區
三藩市
紐約
洛杉磯
其他美國地區
香港 台灣 北美
 
2018年04月06日

黎瑞恩紅館集體回憶
自詡少男殺手

黎瑞恩昨晚一口氣唱出 《陽光路上》等多首經典歌曲。

黎瑞恩一連兩場「黎瑞恩感恩有你演唱會2018」昨晚假紅館開鑼,相隔16年再踏紅館,一向人緣極佳的小恩子獲大班圈中好友撐場,她笑言今次開騷是大家的集體回憶。
昨晚台下星光熠熠,捧場藝人包括湯寶如、周慧敏、蔡一傑、黎諾懿和老婆李潔瑩、鄭敬基夫婦、鄧健泓和老婆石詠莉、陳展鵬和女友單文柔、譚耀文、李婉華、邵美琪、麥潔文、關秀媚和男伴等,就連修哥胡楓都有現身。

「好認真減肥」

今次演唱會以三面台設計,大約晚上8時30分,小恩子以一身白色閃閃的仙子造型,由舞台中央升上來唱出經典歌《陽光路上》,唱罷她隨即向全場樂迷打招呼,又一口氣答謝多年來幫過她的人,她說:「大家好嗎?16年冇喺呢度同大家見面,今晚係我哋嘅集體回憶,我曾經迷倒不少懷春少男,女仔就當我係家姐,好開心今日有呢個機會,好感恩!」

小恩子續說:「多謝我父母,冇你就冇我,多謝發掘我嘅安格斯,多謝我經理人,多謝向雪懷為我寫咁多歌,其實我今次好認真咁減肥,大家有冇覺得我瘦咗? 」全場觀眾即異口同聲答她:「有呀!」小恩子之後再接連唱出多首昔日紅爆K場的經典歌《認真》、《舊愛新歡》、《多情》和《愛你這樣儍》等,令樂迷拍爛手掌。
採訪:盧妹
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載