› 選擇地區
三藩市
紐約
洛杉磯
其他美國地區
香港 台灣 北美
 
2018年04月13日

陳漢娜幾場戲爭新人獎
梁雍婷賣菜等足三年

陳漢娜坦言在《殺破狼.貪狼》第一場戲就要死,演起來頗難。攝影:仇志德

【第37屆香港電影金像獎之新演員篇】第37屆金像獎將於後日舉行,學院派出身的梁雍婷憑《藍天白雲》競逐「最佳新演員」(詳見附表),被喻為新人王的她以大熱姿態爭新人獎,模特兒出身的陳漢娜(Hanna)憑《殺破狼.貪狼》挑機,扮演古天樂15歲女兒的她雖然只有幾場戲,但Hanna說:「袁詠儀當年攞新人獎都係得一場,冇乜所謂。」

相關新聞:阿Sa張繼聰MV惹負評

第一場就死

Hanna表示從古天樂身上學到很多東西,令她越來越喜歡做戲:「第一場我就要死,原來都幾難演,因為要呼吸,但又唔可以郁,一個take要兩、三分鐘,cut機我都聽唔到,古生問我係咪瞓着咗。我瞓喺屍櫃俾古生拉出嚟,我係俾佢震懾咗,佢喊到我成手都係鼻涕同眼淚,我好感受到,心都痛埋,佢仲要演三個version,全個劇組都超想佢攞到男主角獎。」
梁雍婷在《藍天白雲》的角色時而深沉、時而凌厲,演活反社會人格,因此被視為新人獎大熱,她說:「當我知道有提名,好似考完個好緊要嘅試,攞到5**咁,可以入大學喇,但壓力好大,因為好怕令身邊人失望,我係咪好恨,唔係嘅,做戲唔係為攞獎。」她最難忘是等待《藍天白雲》上映的三年過程,其間她做過酒吧和賣菜:「等待嘅藝術係每個演員需要學,演員呢個職業,60歲都有得演,使乜咁急25歲就成功呢?所以我學識等待。」

鄧月平感激

另一位有份角逐新人獎的是演《小男人週記3之吾家有喜》的鄧月平, 她感激鄭丹瑞給予機會:「聽到自己入圍,都覺得不可思議,獲得人哋賞識唔係必然嘅事。好感恩前輩幫我,唔係有血緣關係,但當我親生。如果1,000分滿分,會畀自己30分。」
此外,早前陳漢娜、梁雍婷等候選人拍攝紀念特刊時,獲珠寶品牌Tiffany & Co.準備了一系列鑽飾配合造型,呼應今屆金像獎「青春常駐」的主題。
採訪:嵐山、何永寧、張俊銘

相關新聞:娜姐囑鄭中基小心治腳

最佳新演員提名名單

陳漢娜《殺破狼.貪狼》
梁雍婷《藍天白雲》
鄧月平《小男人週記3之吾家有喜》
歐鎧淳《春嬌救志明》
凌文龍《黃金花》
資料來源:金像獎大會

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載