› 選擇地區
三藩市
紐約
洛杉磯
其他美國地區
香港 台灣 北美
 
2018年04月13日

【馮仁昭四圍超】秦沛首演舞台劇 求救嘉玲

劉嘉玲、謝君豪同秦沛(左)合作舞台劇《奪命証人》,大鬥演技。

由劉嘉玲、謝君豪同秦沛(Paul哥)主演嘅懸疑舞台劇《奪命証人》噚日喺半島酒店舉行記者會,呢齣劇7月28日喺香港藝術學院公演十場。秦沛話今次係首次正式演出舞台劇:「上一次係61年前同陳寶珠、蕭芳芳、姜大衛等柴娃娃演出,今次被說服初演舞台劇,過往拍過幾百部電視劇、電影,有乜嘢風浪未見過,但今次就怕緊張到急尿,好在有嘉玲同埋謝君豪睇住我。」而台下嘅老闆楊受成就話,可以着尿片解決。

「睬佢都儍」

劉嘉玲喺85年拍電視劇《江湖浪子》已經識秦沛:「初初入行經常去Paul哥屋企食飯同埋玩。」嘉玲聽到秦沛話要佢睇住,即刻話:「我睬佢都儍,佢係詐嬌箒,佢咁好戲。」嘉玲對上一次演出舞台劇已經係四年前《杜老誌》:「今次演出係比較難,因為要好多法庭戲,要懂得把握節奏。」嘉玲仲大讚秦沛有實力:「Paul哥人生經驗豐富,我演過兩次舞台劇,出到台就唔會驚,好彩因為燈光望唔到現場觀眾,不過始終會有人電話響、咳,會有多少影響。」另外,嘉玲之前網上貼同媽咪去撒哈拉沙漠旅行相片:「有去滑沙,景觀好震撼,令我有好多諗法,了解到人有好多唔同文化。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載