› 選擇地區
三藩市
紐約
洛杉磯
其他美國地區
香港 台灣 北美
 
2018年04月13日

徐子淇請纓拍片助兒童
超盈睇好奚夢瑤做弟婦

何超盈、林顥伊、莊家彬和方健儀等昨日在銅鑼灣出席「Heart me Heart children慈善酒會」,手袋品牌Me Char始創人兼設計師、澳門前特首何厚鏵女兒何芓諄為品牌搞慈善,她把一系列背包作義賣,收益中的15%會撥捐香港救助兒童會,何芓諄邀得千億新抱徐子淇代為拍片呼籲。

讚何芓諄善心

何家四房千金超盈昨日特地由澳門趕到撐場,她大讚好友何芓諄有善心,問她可有慈善計劃?她說:「其實目前主力搞藝術文化,要一樣一樣嚟囉!」
對於胞弟何猷君的內地超模女友奚夢瑤融入家中,早前跟四太梁安琪一齊到泰國旅行,四太更大讚奚夢瑤好女仔,問到四太是否已接受奚夢瑤?超盈說:「你問番猷君啦!佢女友一直都係我朋友,覺得佢OK,今次旅行都係難得大家都抽到時間,但只係去咗一日半,因為之前大家各有各忙,工作還工作,家人點都要陪,要珍惜囉。」

影相畀賭王睇

奚夢瑤是否首次加入四房family trip?超盈說:「其實我哋好少family trip嘅,今次都唔算係呀,都欠欣欣(何超欣),因為欣欣要讀書。」行程中是否拍下不少靚相給賭王何燊分享?超盈續說:「係呀,我哋盡量都會影多啲相。」
此外,何芓諄大打人情牌請李太徐子淇拍片,何芓諄說:「李太好幫手呀,我哋會送袋畀佢,佢都會叫啲朋友支持。」講到當日拍片趣事,何芓諄笑言:「原本請佢拍硬照,佢覺得要用聲音宣傳,影完硬照後要求補拍片。佢真係好攰,但好專業,好有善心。」徐子淇昨日不在港,所以未能出席支持,另一好友甘比因產後復原中,同樣未能到場。
採訪:黃曉妍
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載