蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年04月16日

劉華抱抱印度劉華「你好靚仔」

24,875

劉德華昨日跟53歲「印度劉德華」阿米爾汗(Aamir Khan)一同在太古城中心出席慈善見面會,港、印「雙華」crossover,吸引近千觀眾追星,逼爆商場,人群中還有印度粉絲,部份甚至一家大細撐場,見到Aamir出場時更高聲呼叫。
Aamir跟少女新演員薩伊拉華森(Zaira Wasim)主演的電影《打死不離歌星夢》上周四在港開畫,大會昨先安排他跟華仔一齊出場,「雙華」見面即擁抱合照。

欣賞對方作品

問到「雙華」可有互相欣賞過對方的電影?華仔說:「知道要同Aamir同台,睇番好多佢以前嘅作品,我想同大家講,佢入行早過我,大家應該叫我香港Aamir。」Aamir則說:「我73年已拍戲,好開心被稱為『印度劉華』,我亦有睇過劉德華主演的電影《無間道》,很喜歡及欣賞他。」華仔表示特別喜歡Aamir主演的《來自星星的PK》。兩人互相用自己語言教對方講「你好嗎?」,之後Aamir更教華仔說印度語:「I love you all very much」華仔再講了一句:「你好靚仔」,他笑言自己慣常被人這樣叫。

邀華仔到印度

「雙華」活動後齊齊受訪,他們都認為彼此有相似地方,Aamir尤其覺得大家眼神相似,華仔說兩人也稱得上是靚仔。「雙華」異口同聲希望有合作機會拍戲。問到兩人可合作唱歌?Aamir指有意邀請華仔到印度,華仔笑言可以在印度開騷,Aamir則謂屆時會為華仔伴舞。
《打》片講述年輕人追夢,Aamir說:「每個人心目中都有夢想,有權發夢,但是追夢中有些事情要妥協,不可以因此影響夢想。」華仔則指不可忘記初衷,最重要對夢想要堅持和執着,成功自會獲得喜悅。
採訪:卓寶花
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2018 AD Internet Limited. All rights reserved. 版權所有 不得轉載