蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年04月22日
馬上成為壹會員

出爐影帝新朵古趣趣
杜琪峯鬧古仔唔識扮嘢

古仔稱只曾與惠英紅在無綫劇《創世紀》合作,希望有機會在電影上合作。

鮮浪潮電影節主席杜琪峯、出爐影帝古天樂和惠英紅等昨日到尖沙嘴,出席ViuTV新節目《鮮浪潮‧語 2018》記者會,杜琪峯感激惠英紅和「古趣趣」、即古天樂現身支持,他之後受訪時被問到為何叫古仔做「古趣趣」,他說:「佢個人咁有趣,又多嘢做,人見人愛,車見車載,咪叫古趣趣囉。」
問可希望跟古仔多合作?杜琪峯說:「大把機會啦,但合作要度到先得,佢又咁衰𠵱家攞到影帝,都唔知會唔會加價,有啲人會扮嘢㗎嘛。」難道指古仔扮嘢?他說:「唔係,係佢想扮唔識扮囉。」會否恭喜古仔攞影帝?他笑笑口說:「恭喜佢呀?點都要講,唔鍾意都要講,人哋攞咗呀,吹咩。好與唔好都各有各講法,不過佢對香港電影真係好大貢獻,出錢出力,亦照顧好多年輕導演。」

古仔冇諗執導

古仔表示暫未有機會跟新導演合作,問到可有興趣做導演?他表示未有此想法:「除非唔做演員,因為自己要放低演員身份,做導演要好專心。」
採訪:曹家誠
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載