› 選擇地區
三藩市
紐約
洛杉磯
其他美國地區
香港 台灣 北美
 
2018年04月27日

反駁翁靜晶話報細數
52歲嘉玲:律師唔應該睇錯

劉嘉玲、容祖兒、吳千語及樂基兒(Gaile)等昨晚在中環ifc出席化妝品牌活動,嘉玲一到場就主動提到日前在Ig貼行山相,被讚年屆52歲仍活力十足,不過翁靜晶在社交平台則懷疑她報細歲數,她笑言:「其實我唔知根據乜嘢資料話我報細咗,我印象中佢係一個好叻嘅女仔,佢應該有晒資料,佢係律師嚟,唔應該睇錯呢啲嘢,如果我係58歲,我媽15歲應該生唔到我,我係1965年12月8日出生,翁靜晶係唔係應該大我一歲?」

注重健康唔怕老

翁靜晶透露12歲時在劉芳剛家中見到嘉玲已是大人,嘉玲再笑言:「我唔知邊個報錯年紀,不過我識劉芳剛老師時候係17歲,我係80年嚟香港,82年考藝訓班。」對於網友讚她越來越可愛,她表示自己保持一份童真,尤其懷抱大自然的時候。問到會否與翁靜晶對質,她表示不用:「呢啲我冇報細,我媽咪係1944年,上網一撳就知我冇呃人,我𠵱家好健康、好開心,我唔驚老,會更加注重健康,我會變成一個滿頭白髮,好多皺紋嘅老太婆。我同佢唔熟,佢早我少少拍戲,我讀藝訓班佢已經好紅,拍緊《荳芽夢》,我唔會嬲,我啲記性麻麻哋,不過生日就記得,可能我keep得比佢想像中後生,覺得自己賺咗6、7年。」

讚黎明生B神奇

此外,樂基兒就透露有向前夫黎明與女友Wing發訊息祝賀生B,對於黎明嬲爆生B消息外洩,她表示不知情:「BB係一件好開心同神奇事,係天上賜一件禮物,希望唔好有啲新聞負面,畀啲正能量佢。」另外,容祖兒講到前男友劉浩龍今晚開騷,祖兒表示會去睇:「我去唔去睇唔係最重要,唔係故弄玄虛,最重要係佢有十足狀態演出,佢準備咗好耐。」
採訪:盧妹
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載