› 選擇地區
三藩市
紐約
洛杉磯
其他美國地區
香港 台灣 北美
 
2018年04月27日

叫人細細聲食墨西哥脆片
袁偉豪睇《復仇者3》開片
遭爆粗扮巨星

點火未必需要一根火柴,前晚電影《復仇者聯盟3:無限之戰》特別場內,就因為一包脆片引爆一場網上罵戰。一名幕後宣傳人員一邊看戲一邊吃墨西哥脆片,發出雜聲滋擾身邊的袁偉豪,他提出勸喻,希望對方能減低聲浪,事後宣傳人員fb揞名揶揄無綫男藝人扮巨星,袁偉豪發文指控對方爆粗無禮。

相關新聞:【香港先生】與張寶兒打得火熱

萬眾期待的超英電影《復仇者聯盟3:無限之戰》(Avengers: Infinity War)前日正式上畫,Marvel迷當然要搶先睇,袁偉豪跟其他幕後人等前晚分別獲邀看特別場,本來開心搶先睇,最終卻因為有人吃墨西哥脆片發出聲浪,掀起一場網上罵戰。
有一位幕後宣傳人員前晚看完該片,昨日凌晨在fb留言除稱讚電影好看,卻同時爆出一件不愉快事件:「遇到一個自以為天王巨星嘅TVB男artist……我食電影院購買嘅薯片,佢竟然用極差嘅語氣同我講『你細聲啲!』」他再斥對方:「你咁驚聽到任何電影以外聲音,你點解唔自己包個戲院睇……坐得喺呢個area嘅都係行內人,你要覺得自己有幾紅先會用咁冇禮貌嘅語氣同人講嘢。」

各執一詞

名爆料當然人人想知誰是自以為天王巨星的無綫男藝人,袁偉豪隨即在fb對號入座。他截圖相關內容後留言:「這幾位行內人所說的人就是我。」對於行內人指摘眼神不友善,他澄清:「我並沒有用不友善的眼神望着你們,我只有對着當時正在進食nachos(墨西哥脆片)時,把包裝發出聲響的那位朋友,在他耳邊輕聲說:『唔好意思,可否細聲一點?』這位朋友表現得很合作,直至電影最後出字幕的一刻,這位nachos先生旁邊的朋友就向我連聲說道:『咁X巴閉,包場睇戲呀嘛!未聽過人講話睇戲不准進食!甚麼大明星!咁X巴閉,點解要攞免費飛睇呀?』」而隨着袁偉豪發文還拖,那位行內人昨午急把帖文刪走。

相關新聞:破港開畫票房紀錄

翠如力撐

黃翠如昨晚在中環ifc出席一化妝品活動,對於袁偉豪網上開戰一事,她表示未有留意報道,不過就撐對方:「我認識嘅袁偉豪係好有態度,諗嘢好直接,諗到乜就講乜。」再問到平時袁偉豪是否火爆之人,翠如表示:「佢對我係好好嘅兄弟,同佢相處係唔覺得佢火爆。」
至於被「行內人」指袁偉豪扮巨星,翠如就笑言:「以我認識嘅佢幾貼地,一齊拍嘢,行路上山會坐喺路邊打書釘,相信唔係一個巨星嘅架子行為。」
另外,商台DJ阿檸當時亦在場,他亦被該位爆料者有無理要求,要他坐低一點,他更怒斥:「真係純粹因為你真係nobody,網上公審人就點講都得。」
採訪:唐琛悠、盧妹

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載