› 選擇地區
三藩市
紐約
洛杉磯
其他美國地區
香港 台灣 北美
 
2018年04月30日

兩韓峯會網民熱話
《太陽》神預測宋仲基點名食平壤冷麵

南北韓領袖日前喺板門店舉行會談,南韓總統文在寅同北韓領導人金正恩齊齊現身,並簽署《板門店宣言》,確認尋求朝鮮半島無核化和永久和平為目標,不過整個峯會中「平壤冷麵」也令外界很關注,事關金正恩喺會上力推平壤冷麵,搞到喺南韓各地有得食平壤冷麵嘅店舖都出現人龍,認真誇張。

原來前年播出嘅韓國神劇《太陽的後裔》已經神預測有關情節,令到網民即時熱烈討論。喺《太陽》第13集中,就講到宋仲基飾演嘅劉時鎮同埋晉久飾演嘅徐大英到北韓出任務,擔任南韓總統嘅保安人員,宋仲基就同北韓軍人提議想食冷麵,仲話要食傳統嘅平壤冷麵,北韓軍人亦即帶宋仲基等人到平壤高麗酒店品嚐「平壤冷麵」呢款美食,仲教南韓軍人點樣食冷麵先夠正宗。

唔少網民見到睇完兩韓領袖會面時提及平壤冷麵,即時令《太陽》呢段劇情再次引來網民嘅熱烈討論。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載