› 選擇地區
三藩市
紐約
洛杉磯
其他美國地區
香港 台灣 北美
 
2018年05月06日

囡囡拍片爆爛瞓愛爭食
GiGi:佢帶歡樂畀我

梁詠琪(GiGi)前晚在紅館舉行一連兩場「好時辰世界巡迴演唱會」香港站,全場爆滿。事隔7年再踏紅館舞台,GiGi的西班牙籍老公Sergio帶囡囡Sofia到場支持外,楊千嬅、「城嫂」方媛、關心妍夫婦和徐天佑等亦來捧場。

握手撞爆嘴

出場演唱一輪後,GiGi換上黑色透視長裙襯黑色眼罩唱出《落難皇后》,背後播出囡囡生活片段,Sofia邊跳邊唱郭富城的《對你愛不完》,還對着鏡頭說:「媽咪食晒啲雪糕唔畀我食,下次留番啲雪糕畀我食。」Sofia又踢爆媽咪嗜睡:「不過我冇嘈醒佢,因為媽咪做嘢好辛苦。I love you!」片中見兩母女合唱《世界真細小》。其後,GiGi唱出《My Little Sofia》時,大會鏡頭影着台下的Sofia趴在爸爸身上,GiGi就關心囡囡是否太累。GiGi再對歌迷說:「我心目中有個女神,就係我個女Sofia,呢幾年佢帶咗好多歡樂畀我。」
GiGi致謝後唱出《娛樂大家》及《好時辰》,繞場跟粉絲握手,其間更走近囡囡送吻,她興奮說:「你哋真係好熱情,仲撞爆咗我個嘴。」安歌時,GiGi換上立體花花裙唱廣東歌Medley,她更一邊抽裙一邊說:「跳到裙都甩㖭,冇睇到啲乜呀?」GiGi被歌迷熱情感動說:「我由驚驚青青冇乜信心,變得勇於表達自己,𠵱家階段好舒服、自在,變得美好。」

歌迷拒離場

個唱結束後,歌迷不肯離場繼續嗌安哥,GiGi換上tee再上台唱出《愛自己》,全場更大合唱,她笑言:「頭先個感覺意猶未盡,咁我哋唱多最後最後一首《高妹正傳》,本來唔唱,𠵱家唔係『妹』,40歲啦!」GiGi還坐台邊送飛吻,場面溫馨。
採訪:盧妹
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載