› 選擇地區
三藩市
紐約
洛杉磯
其他美國地區
香港 台灣 北美
 
2018年05月08日

同生母失聯
孫慧雪嫲嫲湊大 最偉大

【Happy Mother's Day】孫慧雪去年為老公Edwin誕下兒子Riley,寶貝仔轉眼9個月大,今年是雪雪產子後的第一個母親節,兒子未懂得跟她慶祝。當了媽媽的她,更加感受到母愛偉大,因在單親家庭長大的雪雪,自幼由嫲嫲撫養成人,每年母親節都是跟嫲嫲慶祝,現嫲嫲已經93歲,可以含飴弄曾孫。

簽約永不分離

在破碎家庭長大的雪雪坦言:「好多年冇見過媽媽,好細個已經失去聯絡,喺我有記憶以來都係由嫲嫲照顧。小學時,同學放學都係父母嚟接,我就嫲嫲嚟接,曾經有心願希望出現一次爸爸媽媽拖住我嘅畫面,但慢慢習慣咗,因為覺得嫲嫲好錫我,佢畀我嘅愛都好足夠。」

嫲孫情深的雪雪,記得兩人的約定:「我細個好肉麻㗎,會寫我哋兩個要永不分離,仲有合約要一齊簽名,𠵱家張紙溶溶爛爛,嫲嫲都keep住。近幾年儲到啲錢,我就買塊玉送畀佢,我諗咗好耐,反而嫲嫲着重心意。佢有時會亂諗嘢,話唔知見唔見到BB出世,𠵱家見到就好開心,可能見番我細個時候咁。」

兩年後追多個

身為獨生女的雪雪,希望兩年後追多個陪囝囝,現時家中就有三隻狗陪伴:「其中最錫BB嘅係5歲大家姐Moji,BB飲奶、沖涼都會陪住。但BB成日驚狗仔搶嘢食,都要教,但我對Moji好信任,BB喊佢仲緊張過我,會第一時間衝埋去舔番佢,我覺得屋企有狗仔嘅小朋友會更開心,懂得愛護同尊重生命。」
採訪:嵐山
攝影:仇志德、林賓尼

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載