› 選擇地區
三藩市
紐約
洛杉磯
其他美國地區
香港 台灣 北美
 
2018年05月09日

周汶錡後悔拒收丈夫珠寶
GiGi留嫁妝畀囡囡

梁詠琪(GiGi)、謝婷婷、周汶錡及胞妹周麗淇昨日在九龍麗思卡爾頓酒店出席「卡地亞Resonances de Cartier」記者會,眾女星各自戴着逾千萬珠寶出場,GiGi以一套價值1,900萬的珠寶上台,她表示剛完成演唱會,已睡足一晚回復生活軌道。
GiGi受訪時表示珠寶可以傳承下去,所以會選最靚的:「囡囡Sofia見到我啲首飾都話想戴,早排幫雜誌一齊影相留念,囡囡仲教我擺甫士。」她笑言囡囡遺傳了兩夫婦的高度,有做模特兒天份。問到會否買身上戴着的珠寶?她笑言要賣樓才夠錢:「都係買磚頭先,最重要嘅結婚戒指都有,過節都係買花,珠寶鑽石留畀個女。」GiGi指近日忙於為丈夫代理的童裝品牌宣傳,母親節會舉行記者會。

期待收母親節禮物

今年的母親節,GiGi指囡囡已透露會畫馬卡龍甜品畫,加上「I love you媽咪」字樣作禮物,她自言好期待。早前因為要應付演唱會,所以瘦到結婚時體重120磅,她說:「近排攞番結婚時條裙出嚟着,都應該啱着。」
同場的周汶錡自言囝囝Jacques一點都不怕醜,喜歡跟比自己高及年紀大的姐姐玩,她說:「會追住人熊抱,每次返playgroup佢會好留意長頭髮女仔,所以我知佢taste。」她笑言以往好儍拒絕老公送珠寶,現在會痛改前非,一來珠寶可以保值投資,二來可以送給未來新抱。

婷婷想睇霆鋒個唱

另外,謝婷婷笑言母親狄波拉已預留一盒珠寶作嫁妝,對哥哥謝霆鋒宣佈開騷時,她說:「我都想睇,上次阿哥開騷,自己讀緊書睇唔到,而每年都傳佢開,朋友都成日問我。」她笑言起碼幫襯看一場。
採訪:羅慧敏
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載