› 選擇地區
三藩市
紐約
洛杉磯
其他美國地區
香港 台灣 北美
 
2018年05月14日

收囡囡心意卡感動
黎姿:讓孩子學會去愛

昨日母親節,身為子女嘅藝人又或者做咗人媽咪嘅藝人空群出動,紛紛喺社交網po相慶祝,有啲甫自己同媽媽合照,有啲就貼咗仔仔女女送嘅窩心禮物,好似黎姿、陳妍希、陳法蓉、鍾鎮濤、林心如、劉嘉玲、溫碧霞同蔡依林等等。

黎姿同富商馬廷強先後生咗3個囡囡,家蔚、家鎂同Pegella,昨日佢喺微博post咗囡囡寫嘅心意卡,留言話:「收到女兒們親手製作的愛心卡,又感動又欣慰:感動是因為她們的一片心意,欣慰是看到她們會自己動手,自己思考,開始有獨立的一面。我心目中的母愛,是讓孩子學會去愛,也讓他們獨立自主,就像我媽媽對我的愛。祝每一位母親節日快樂!」

劉嘉玲喺微博甫咗同媽媽合照,捧住鮮花嘅劉媽媽睇嚟好精神,嘉玲同媽咪都好有母女相。溫碧霞(Irene)就甫咗多張同8歲養子Xavier及老公何祖光一家三口嘅相,Irene重鍚鍚挨住自己嘅Xavier,畫面溫馨。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載