› 選擇地區
三藩市
紐約
洛杉磯
其他美國地區
香港 台灣 北美
 
2018年05月14日

為囡囡豁出去
洗米嫂母親節扮萌扮豬仔

洗米嫂陳慧玲(Heidi)真係做足廿四孝阿媽,昨日係母親節,佢一早就帶最細囡囡周羨潼出街玩,之後佢仲將兩母女合照放上朋友圈,羨潼雖然只有兩歲,但真係生得精靈可愛,有時睇到洗米嫂擺細女啲片上網,發現佢個細女都牙尖嘴利,難怪o氹得阿媽同爹哋周焯華(洗米華)咁開心。

洗米華自從搭上模特兒Mandy Lieu後,佢同老婆Heidi關係一直麻麻,直至上年佢好努力咁箍煲,關係先慢慢有改善,最明顯係今年2月,太陽集團一班股東帶埋親朋好友一齊去北海道旅行,呢次好多人去,團友話見到洗米華同Heidi關係好明顯係好咗,最起碼唔同之前見到佢兩個係好有芥蒂,洗米嫂係全程冇乜好面色對住老公,但今次兩個成日坐埋一齊,有講有笑,真係似番對恩愛夫妻。

其實洗米嫂又真係越嚟越fit嘅,日前見佢喺facebook放咗條做緊運動嘅片出嚟,見佢舉啞鈴都好輕鬆,而且身材冇因為生咗兩個走樣。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載